ترا جمال تصور میں آنہیں سکتا
کوئی بھی تیری حقیقت کو پا نہیں سکتا
Tera jamaal tasawwur mein aa nahi sakta
Koi bhi teri haqeeqat ko paa nahi sakta
جو ایک بار پکارے تمہاری رحمت کو
ترے کرم سے وہ دامن چھڑا نہیں سکتا
Jo ek baar pukare tumhari rehmat ko
Tere karam se woh daaman chhura nahi sakta
کمالِ قربِ خدا ہے مقامِ ’’اَوْاَدْنیٰ‘‘
جہاں کسی کا تخیل بھی جا نہیں سکتا
Kamaal-e-qurb-e-Khuda hai maqam-e-"Aw Adna"
Jahan kisi ka takhayul bhi ja nahi sakta
غمِ حضورؐ سے نسبت جسے بھی حاصل ہے
جہاں کی رونقیں دل میں بسا نہیں سکتا
Gham-e-Huzoor se nisbat jise bhi haasil hai
Jahan ki ronakein dil mein basa nahi sakta
ترے غلام تو آقاؐ وہ نقشِ روشن ہیں
زمانہ مل کے بھی جن کو مٹا نہیں سکتا
Tere ghulam to aaqa woh naqsh-e-roshan hain
Zamana mil ke bhi jin ko mita nahi sakta
اے پردہ پوش نبیؐ آپ ہی بھرم رکھیے
کسی کے سامنے کاسہ بڑھا نہیں سکتا
Ae parda posh Nabi aap hi bharam rakhiye
Kisi ke samne kasa barha nahi sakta
تمہارے ذکر سے دل جس طرح مہکتاہے
وہ کیف و سوز کا عالم بتا نہیں سکتا
Tumhare zikr se dil jis tarah mehka hai
Woh kaif o soz ka aalam bata nahi sakta
ترے کرم کی عدالت میں ایک مجرم ہے
شکیلؔ آپ سے نظریں ملا نہیں سکتا
Tere karam ki adalat mein ek mujrim hai
Shakeel aap se nazrein mila nahi sakta
Share This Naat
Share with friends and family
ترا جمال تصور میں آنہیں سکتا
محمد شکیل نقشبندی