برستی رحمت و انوار کی ہر سو گھٹا دیکھی
نگاہِ شوق نے طیبہ کی جب دلکش فضا دیکھی
Barasti rehmat o anwaar ki har soo ghata dekhi
Nigah e shauq ne Taiba ki jab dilkash faza dekhi
اگر کاسہ بکف طیبہ میں دیکھا خرقہ پوشوں کو
جماعت شاہ و سلطاں کی وہاں مثلِ گدا دیکھی
Agar kasa bakaf Taiba mein dekha khirqa poshon ko
Jamaat shah o sultan ki wahan misl e gada dekhi
ہوئی سرکارؐ کی بعثت اُگا اسلام کا سورج
شبِ ظلمت گئی دنیا نے صبحِ پر ضیا دیکھی
Hui Sarkarؐ ki ba'sat uga Islam ka sooraj
Shab e zulmat gayi duniya ne subh e pur ziya dekhi
جہاں جن و بشر کیا عرش کے قدسی نہیں پہنچے
شبِ معراج آقاؐ نے وہ جائے ارتقا دیکھی
Jahan jin o bashar kya arsh ke qodsi nahin pohnchay
Shab e Mairaj Aqaؐ ne woh jaye irtqa dekhi
نبیؐ کے عشق کی تنویر کے صدقے مدینے میں
نظر والا ہے جس نے شانِ محبوبِ خدا دیکھی
Nabiؐ ke ishq ki tanveer ke sadqay Madine mein
Nazar wala hai jis ne shan e Mehboob e Khuda dekhi
درِ سرکار کے فیضانِ رحمت کا یہ عالم ہے
غلاموں کی وہاں مقبول ہوتے ہر دعا دیکھی
Dar e Sarkar ke faizaan e rehmat ka yeh alam hai
Ghulamon ki wahan maqbool hoti har dua dekhi
حرم کا آبِ زمزم ہو کہ مٹی ہو مدینے کی
بفیضانِ نبیؐ دونوں میں تاثیرِ شفا دیکھی
Haram ka aab e zamzam ho ke mitti ho Madine ki
Befaizan e Nabiؐ dono mein taseer e shifa dekhi
کیا پائے رسالت پر تصدق گھر کا کل ساماں
عجب صدیق کی جگ نے فدایانہ ادا دیکھی
Kya paae risalat par tasadqu ghar ka kal saman
Ajab Siddiq ki jag ne fidayana ada dekhi
گری دستِ عمر سے تیغِ باطل پڑھ لیا کلمہ
عمر نے جب کریمانہ نگاہِ مصطفیٰؐ دیکھی
Giri dast e Umar se tegh e batil parh liya kalma
Umar ne jab karimana nigah e Mustafaؐ dekhi
حیادار و سخی تاریخ نے دیکھے بہت لیکن
نہ عثمانِ غنی جیسی سخاوت اور حیا دیکھی
Hayadar o sakhi tareekh ne dekhe bohot lekin
Na Usman e Ghani jaisi sakhaawat aur haya dekhi
رہے محوِ نمازِ حق بدن سے تیر جب نکلا
جہاں نے یوں علی کی شانِ عرفانِ خدا دیکھی
Rahe mahw e namaz e Haq badan se teer jab nikla
Jahan ne yun Ali ki shan e irfan e Khuda dekhi
یقیناً اس نے احسؔن کردیا دیدار جنت کا
وہ جس مومن نے دہلیزِ امام الانبیا دیکھی
Yaqeenan us ne Ahsan kar diya deedaar e jannat ka
Woh jis momin ne dehleez e Imam al-Anbiya dekhi
Share This Naat
Share with friends and family
برستی رحمت و انوار کی ہر سو گھٹا دیکھی
احسن اعظمی