حق رسم محبت دا ادا کون کرے گا
سرکار توں جان اپنی فدا کون کرے گا
Haq rasm mohabbat da ada kaun kare ga
Sarkar toon jaan apni fida kaun kare ga
محبوب دی نینداتوں نماز اپنے خدا دی
بن حیدر کرارؓ قضا کون کرے گا
Mahboob di neenda toon namaz apne Khuda di
Ban Haider Kararؓ qaza kaun kare ga
چھٹ جان گے اک روز تے عمراں دے وی قیدی
زلفاں دے اسیراں نوں رہا کون کرے گا
Chhad jaan ge ik roz te umran de vi qaidi
Zulfan de aseeran nu raha kaun kare ga
وچ روضہ اطہر دے پئے نال جو دونویں
سرکار دے یاراں نوں جدا کون کرے گا
Vich roza e athar de piye naal jo dono
Sarkar de yaaran nu juda kaun kare ga
جو یار دے غم وچ نہ شفا منگے خدا توں
بیمار محبت دی دوا کون کرے گا
Jo yaar de gham vich na shifa mange Khuda toon
Bimar mohabbat di dawa kaun kare ga
جس مندڑے نوں سوہنے دی نظر کر دی اے چنگیاں
اس چنگے دا دنیا تے برا کون کرے گا
Jis mandre nu sohne di nazar kar di ae changiyan
Us change da duniya te bura kaun kare ga
لیکھاں توں بناں نعت لکھے کون ظہوریؔ
بن عشق نبی اوہدی ثنا کون کرے گا
Leekhan toon banaan naat likhe kaun Zahooriؔ
Ban ishq Nabi ohdi sana kaun kare ga
Share This Naat
Share with friends and family
حق رسم محبت دا ادا کون کرے گا
محمد علی ظہوری