ہر ایک مقام پہ اصلِ نشانِ رحمت ہے
حضورؐ آپ کا اُسوہ جہانِ رحمت ہے
Har aik maqam pe asal nishan-e-rahmat hai
Huzoor (ﷺ) aap ka uswa jahan-e-rahmat hai
زمینِ دل پہ ہے روِز ازل سے سایہ فگن
حضورؐ آپ کی ہر بات شانِ رحمت ہے
Zameen-e-dil pe hai roz azal se saya fagan
Huzoor (ﷺ) aap ki har baat shan-e-rahmat hai
وہی تو گالیاں سن کر دعائیں دیتے ہیں
اُنہی کا خُلق ہی روحِ بیانِ رحمت ہے
Wahi to gaaliyaan sun kar duaein dete hain
Unhi ka khulq hi rooh-e-bayan-e-rahmat hai
عمل سے عاری ہے لیکن نہیں تہی داماں
ترا غلام ہے اور درمیانِ رحمت ہے
Amal se aari hai lekin nahin tehi daman
Tera ghulam hai aur darmiyan-e-rahmat hai
جہاں کی رونقیں سب آپؐ ہی کے دم سے ہیں
وجود ارض و سما، ارمغانِ رحمت ہے
Jahan ki ronqein sab aap (ﷺ) hi ke dam se hain
Wajood arz o sama, armughan-e-rahmat hai
جلیل کیسے نہ قسمت پہ اپنی ناز کرے
یہ بے عمل بھی بڑا شادمانِ رحمت ہے
Jaleel kese na qismet pe apni naaz kare
Yeh be amal bhi bara shaadmaan-e-rahmat hai
Share This Naat
Share with friends and family
ہر ایک مقام پہ اصلِ نشانِ رحمت ہے
حافظ عبدالجلیل