جب سے سانسوں میں مِری رچ بس گئی نعتِ نبی
ذہن میں رہتی ہے میرے ہر گھڑی نعتِ نبی
Jab se saanson mein miri rach bas gayi naat-e-nabi
Zehen mein rahti hai mere har ghari naat-e-nabi
شغل ہے اپنا یہی اب ہے یہی اپنا شعار
بس تِری زلفوں کی ہے مشاطگی نعتِ نبی
Shughal hai apna yahi ab hai yahi apna shi'ar
Bas teri zulfon ki hai mushtaghi naat-e-nabi
شرط ہے ایمان کی آنکھوں سے قرآں دیکھیے
ہے ’’لہب‘‘ کی آیتوں میں بھی چُھپی نعتِ نبی
Shart hai imaan ki aankhon se quraan dekhiye
Hai "Lahab" ki aayaton mein bhi chhupi naat-e-nabi
مشکلیں آسان کرتی ہے یہاں بھی نعتِ پاک
حشر میں بھی کام آئے گی یہی نعتِ نبی
Mushkilain aasan karti hai yahan bhi naat-e-paak
Hashr mein bhi kaam aayegi yahi naat-e-nabi
نور والی ذات سے وابستگی کا ہے اثر
کر گئی سب دور دل کی تیرگی نعتِ نبی
Noor wali zaat se wabastagi ka hai asar
Kar gayi sab door dil ki teragi naat-e-nabi
نعت خواں کی روح بھی محسوس کرتی ہے مٹھاس
گھول دیتی ہے دہن میں چاشنی نعتِ نبی
Naat khwaan ki rooh bhi mehsoos karti hai mithaas
Ghol deti hai dahan mein chaashni naat-e-nabi
بس یہی آواز گونجی بزم میں سن کر شفیقؔ
خوشنما لفظوں کے ہیروں سے جڑی نعتِ نبی
Bas yahi awaaz goonji bazm mein sun kar Shafiq
Khushnuma lafzon ke heeron se judi naat-e-nabi
Share This Naat
Share with friends and family
جب سے سانسوں میں مِری رچ بس گئی نعتِ نبی
شفیق ؔ رائے پوری