اشارے بھانپ جاتی ہے ادا پہچان لیتی ہے
پیاسوں کو رسالتؐ کی گھٹا پہچان لیتی ہے
Ishaare bhaanp jaati hai ada pehchaan leti hai
Pyaason ko Risaalatؐ ki ghataa pehchaan leti hai
بچھا دیتی ہے اس کے راستے میں ساری خوشبوئیں
مدینے کے مسافر کو ہوا پہچان لیتی ہے
Bicha deti hai us ke raaste mein saari khushbuyaan
Madine ke musaafir ko hawa pehchaan leti hai
بُلا لیتی ہے اپنے پاس خود فرطِ محبت سے
مرے جیسے غلاموں کو حِرا پہچان لیتی ہے
Bula leti hai apne paas khud farat-e-muhabbat se
Mere jaise ghulaamon ko Hira pehchaan leti hai
کروڑوں لوگ پڑھتے ہیں عقیدت سے درُود آ کر
نبوّت اُن میں شامل ہر صدا پہچان لیتی ہے
Karoḍon log parhte hain aqeedat se durood aa kar
Nabuwwat un mein shaamil har sadaa pehchaan leti hai
تنی رہتی ہے بادل کی طرح ہر شخص کے سر پر
ہر اک سائل کو مدنیؐ کی دُعا پہچان لیتی ہے
Tani rehti hai baadal ki tarah har shakhṣ ke sar par
Har ek sail ko Madniؐ ki dua pehchaan leti hai
اُنہیں جب دیکھ لیتا ہے کوئی دھوکا نہیں کھاتا
سمندر کو سمندر کی ہوا پہچان لیتی ہے
Unhein jab dekh leta hai koi dhoka nahiin khaata
Samundar ko samundar ki hawa pehchaan leti hai
اُسی کو ساتھ رکھتے ہیں جو لائق ہو رفاقت کے
نگاہِ مصطفیٰؐ کھوٹا کھرا پہچان لیتی ہے
Usi ko saath rakhte hain jo laiq ho rafaqat ke
Nigah-e-Mustafaؐ khota khara pehchaan leti hai
اگر دل صاف ہو انجؔم غلط فہمی نہیں ہوتی
نظر ہو پاک تو اُجلی فضا پہچان لیتی ہے
Agar dil saaf ho Anjam ghalat fehmi nahiin hoti
Nazar ho paak to ujlI faza pehchaan leti hai
Share This Naat
Share with friends and family
اشارے بھانپ جاتی ہے ادا پہچان لیتی ہے
انجم نیازی