اجل، دیارِ رسالت میں آئے راس مجھے
جگہ مِلے تِرے روضے کے آس پاس مجھے
ajal, diyar-e-risalat mein aaye ras mujhe
jagah mile tire roza ke aas paas mujhe
دِکھا کے اپنی تجلّی ، بُلا کے پاس مجھے
بنا گئے ہیں وہ اپنا ادا شناس مجھے
dikha ke apni tajalli, bula ke paas mujhe
bana gaye hain wo apna ada shanaas mujhe
یقین ہے مِرے دل کو سُکون بخشیں گے
وہ دیکھ لیں گے سرِ حشر جب اُداس مجھے
yaqeen hai mire dil ko sukoon bakshein ge
wo dekh lenge sar-e-hashr jab udaas mujhe
نگاہ ڈھونڈ رہی تھی اِدھر اُدھر جن کو
وہ مِل گئے دلِ مضطر کے آس پاس مجھے
nigah dhond rahi thi idhar udhar jin ko
wo mil gaye dil-e-muztar ke aas paas mujhe
اگر وہ آئیں تو مِٹ جائے میری مایوسی
کیے ہوئے ہے پریشاں، ہجومِ یاس مجھے
agar wo aayein to mit jaye meri mayoosi
kiye hue hai pareshan, hajoome yaas mujhe
سُکونِ دل نہ کہیں اور ہوسکا حاصل
ہَوائیں گُلشنِ طیبہ کی آئیں راس مجھے
sukoon-e-dil na kahin aur ho saka hasil
hawayein gulshan-e-taiba ki aayen ras mujhe
نگاہِ شوق ہے اُن کی تلاش یں ہر دَم
زمانہ کیسا، خود اپنے نہیں حواس مجھے
nigah-e-shauq hai un ki talash mein har dam
zamana kaisa, khud apne nahi hawas mujhe
اُنھیں کے سائے میں گزرے گا میرا روزِ حساب
نہ کوئی خوف جھے ہے نہ کچھ ہراس مجھے
unhi ke saaye mein guzre ga mera roz-e-hisaab
na koi khauf jhe hai na kuch haraas mujhe
مِرے نَسَب کو ہے اُس ذات پاک سے نسبت
اِس اک شرف کا ہمیشہ رہے گا پاس مجھے
mire nasab ko hai us zaat-e-paak se nisbat
is ek sharaf ka hamesha rahe ga paas mujhe
یہ فیض ساقیٔ کوثر مِٹے گی تشنہ لبی
نصیرؔ! حشر میں جس دَم لگے گی پیاس مجھے
ye faiz saqi-e-kausar mite gi tashna labi
naseer! hashr mein jis dam lage gi pyaas mujhe
Share This Naat
Share with friends and family
اجل، دیارِ رسالت میں آئے راس مجھے
سید نصیرالدیں نصیر