باخدا بہرِ شفاعت نہ خزینے جوڑے
میں نے بس مدحِ پیمبر کے نگینے جوڑے
Ba Khuda bahr-e-shafaat nah khazane joray
Mene bas madh-e-Payambar ke nageene joray
بالیقیں پائے گا رب سے وہ معافی کی سند
ہاتھ مجرم نے اگر جا کے مدینے جوڑے
Ba Yaqeen paye ga Rub se woh maafi ki sanad
Haath mujrim ne agar ja ke Madeene joray
بغضِ شیخین پہ کچھ بھی نہ ملے گا تجھ کو
جالیوں سے تو بھلے لاکھ بھی سینے جوڑے
Bughz-e-Shaykhain pe kuch bhi na mile ga tujh ko
Jaaliyon se tu bhale laakh bhi seenay joray
اُن کے نوکر کی خریدی نہ گئی خاکِ قدم
ڈھیر دولت کے بہت تختِ شہی نے جوڑے
Un ke naukar ki khareedi na gayi khaak-e-qadam
Dhair daulat ke bohat takht-e-shahi ne joray
عرش کا ارضِ مدینہ سے تقابل کیسا
یہ اٹھاتی ہے ترے بارہ مہینے جوڑے
Arsh ka arz-e-Madina se taqabul kaisa
Yeh uthati hai teray barah maheene joray
جن کے دل توڑ دیں مل کر یہ زمانے والے
ماہِ طیبہ انہیں بلوا کے مدینے جوڑے
Jin ke dil tor dein mil kar yeh zamane wale
Maah-e-Taybah unhein bulwa ke Madeene joray
وہ کسی بغض کے مارے سے نہ ٹوٹیں گے کبھی
جو بنائے ہیں مرے پاک نبی نے جوڑے
Woh kisi bughz ke maare se na tutain ge kabhi
Jo banaye hain mere Paak Nabi ne joray
جس کو طوفان کی سختی کا تبسم ڈر ہو
کشتئِ آلِ محمد سے سفینے جوڑے
Jis ko toofan ki sakhti ka tabassum darr ho
Kashtye Aali Muhammad se safeene joray
Share This Naat
Share with friends and family
باخدا بہرِ شفاعت نہ خزینے جوڑے
حافظ محمد ابوبکر تبسمؔ