روزِ محشر مصطفےٰ کے دستِ اطہر دیکھنا
کیسے کرتے ہیں عطا وہ جامِ کوثر دیکھنا
Roz-e-mahshar Mustafa ke dast-e-athar dekhna
Kaise karte hain ata woh jaam-e-kosar dekhna
دفترِ اعمال ہے میرا سیہ تر دیکھنا
میری جانب بھی شفیعِ روزِ محشر دیکھنا
Daftar-e-aamaal hai mera siyah tar dekhna
Meri janib bhi Shafi'e roz-e-mahshar dekhna
چاندنی چھٹکے نہ چھٹکے آسماں کے چاند کی
جگمگاتا ہے نبی کا روئے انور دیکھنا
Chaandni chhatke na chhatke aasmaan ke chaand ki
Jagmagata hai Nabi ka roye anwar dekhna
سامنے اس پیکرِ بے مثل کے سب ہیچ ہیں
غیر ممکن ہے نبی کے جیسا پیکر دیکھنا
Samne us paikar-e-be misal ke sab haich hain
Ghair mumkin hai Nabi ke jaisa paikar dekhna
جب کہیں گے ہم غلامِ احمدِ مختار ہیں
پھر تو رضواں کھول دیں گے خلد کا در دیکھنا
Jab kahin ge hum ghulam-e-Ahmed-e-Mukhtar hain
Phir to Rizwan khol denge khuld ka dar dekhna
گنبدِ خضرا کو دیکھیں ہے یہی اک آرزو
دیکھیے آتا ہے کب ہم کو میسر دیکھنا
Gunbad-e-Khizra ko dekhein hai yehi ik aarzu
Dekhiye aata hai kab hum ko mayassar dekhna
مصطفےٰ جس وقت جلوہ بار ہوں گے حشر میں
دیکھ کے سب اہلِ محشر ہوں گے ششدر دیکھنا
Mustafa jis waqt jalwa bar honge hash’r me
Dekh ke sab ahl-e-mahshar honge shashdar dekhna
حشر کے میدان میں بھی اے شفیقِؔ خوش نوا
ہم پڑھیں گے شان سے نعتِ پیمبر دیکھنا
Hashr ke maidan mein bhi ae Shafiq-e khush nawa
Hum parhainge shan se naat-e-Paighambar dekhna
Share This Naat
Share with friends and family
روزِ محشر مصطفےٰ کے دستِ اطہر دیکھنا
شفیق ؔ رائے پوری