مبعوث جب حضورؐ ہوئے لے کے دینِ حق
بے جان ہوگئی رخِ باطل کی سب رمق
Mab'os jab Huzurؐ hue le ke deen-e-haq
Be jaan ho gayi rukh-e-batil ki sab ramak
جلوہ گریِ نورِ مجسم کے فیض سے
کل کائناتِ دہر کے روشن ہوئے طبق
Jalwa gari-e-noor-e-mujassam ke faiz se
Kul kainat-e-dahr ke roshan hue tabaq
سرکار آئے آگئی فصلِ بہارِ نو
گلشن کا حسن پا گئے صحرائے لق و دق
Sarkar aaye aagai fasl-e-bahar-e-nau
Gulshan ka husn paa gaye sehra-e-laq-o-daq
دنیا میں آج آمدِ سرکار کے طفیل
رخصت ہوئے مصائب و رنج و الم قلق
Dunya mein aaj amad-e-sarkar ke tufail
Rukhsat hue masaib o ranj o alam qalq
حل اس کو پل میں کر دیا فہمِ نبیؐ نے جو
تنصیبِ سنگِ کعبہ کا تھا مسٔلہ ادق
Hal is ko pal mein kar diya fehm-e-Nabiؐ ne jo
Tanseeb-e-sang-e-Kaaba ka tha mas'la adaq
اللہ رے حضورؐ کا اعجاز بے مثال
گویا ہوئے حجر تو ہوا ماہتاب شق
Allah re Huzurؐ ka e'jaaz be-misal
Goya hue hajr to hua mahtab shaq
ظالم مزاج خوگرِ امن و اماں ہوئے
انسانیت کا ایسا نبیؐ نے دیا سبق
Zalim mizaj khugar-e-amn o amaan hue
Insaniyat ka aisa Nabiؐ ne diya sabq
جس دم عمر نے کلمۂ توحید پڑھ لیا
منظر یہ دیکھ کر ہوئے چہرے عدو کے فق
Jis dam Umar ne kalma-e-tauheed parh liya
Manzar ye dekh kar hue chehre adu ke faqt
احسؔن ہر ایک منظرِ دلکش سے ہے حسیں
طیبہ کے صبح و شام کی نیرنگیِ شفق
Ahsan har aik manzar-e-dilkash se hai haseen
Tayba ke subah o shaam ki nayrangi-e-shafaq
Share This Naat
Share with friends and family
مبعوث جب حضورؐ ہوئے لے کے دینِ حق
احسن اعظمی