کرم کی ایسی بہار آوے کہ مدحِ خیر الانام ہو وے
میں تشنہ لب ہوں مرے خدایا مجھے عطا ایک جام ہو وے
Karam ki aisi bahar aave ke madh e khair al anam ho ve
Main tishna lab hoon mere khudaya mujhe ata ek jaam ho ve
کبھی جو مہکے مرا تخیل بکھیر دوں میں ثنا کی کلیاں
دُرود کی پھر بناؤں مالا یہی مرا صرف کام ہو وے
Kabhi jo mehkay mera takhayul bikher doon mein sana ki kaliyan
Durood ki phir banao maala yehi mera sirf kaam ho ve
ولائے احمد کی بھیک مانگوں سرور ہو میری زندگی میں
سجائے راکھوں نبی کی محفل یہی تمنا دوام ہو وے
Walay e Ahmed ki bheek maangoon sarwar ho meri zindagi mein
Sajaye raakhoon Nabi ki mehfil yehi tamanna dawaam ho ve
نہ روشنی کچھ شعور میں ہے نہ روح میں کوئی تازگی ہے
برس پڑیں اب سحابِ رحمت کچھ ایسا بھی اہتمام ہو وے
Na roshni kuch shaoor mein hai na rooh mein koi taazgi hai
Baras parain ab sahab e rehmat kuch aisa bhi ehtemaam ho ve
کروں میں ذکرِ حبیب ہر دم یہی تو بس میری بندگی ہو
اسی وظیفے میں صبح گزرے اسی میں ہر ایک شام ہو وے
Karoon mein zikr e Habeeb har dam yehi to bas meri bandagi ho
Isi wazife mein subah guzray isi mein har ek shaam ho ve
جو چمکے تقدیر کا ستارہ تو ناز کی در پہ حاضری ہو
وہیں پہ ہو میرا جینا مرنا وہیں پہ میرا قیام ہو وے
Jo chamkay taqdeer ka sitara to Naaz ki dar pe hazri ho
Wahin pe ho mera jeena marna wahin pe mera qayaam ho ve
Share This Naat
Share with friends and family
کرم کی ایسی بہار آوے
صفیہ ناز