آغوشِ تصوّر میں مدینے کی زمیں ہے
فردوس نظر میں ہے تو دِل عرش بریں ہے
Aaghosh-e-tasawwur mein Madine ki zameen hai
Firdous nazar mein hai to dil arsh bareen hai
دِل جلؤہ محبوبِ خدا سے ہے منّور
اُس حُسنِ عطا سے مِری جھولی بھی حسیں ہے
Dil jaloa mahboob-e-Khuda se hai manawar
Us husn-e-ata se meri jholi bhi haseen hai
ہے پیش نظر روضہ سرکارِؐ دو عالم
آقا ہیں جہاں میرا تصوّر بھی وہیں ہے
Hai paish nazar roza sarkarؐ-e-do aalam
Aaqa hain jahan mera tasawwur bhi wahin hai
کہتی ہے مدینے کی فِضا ذَوقِ نظر سے
کعبہ ہے یہیں ، عرش یہیں طور یہیں ہے
Kehte hai Madine ki fizaa zauq-e-nazar se
Kabah hai yahin, arsh yahin, tor yahin hai
ہے ان کے تصّدق سے بھرم دونوں جہاں کا
سرکارؐ کا ممنونِ کرم کون نہیں ہے
Hai un ke tassadduq se bharam dono jahan ka
Sarkarؐ ka mamnoon-e-karam kon nahi hai
واعِظ یہی سجدہ ہے مری زیست کا حاصل
سنگِ دَرِ محبوب پہ خم میری جبیں ہے
Waiz yehi sajda hai meri zist ka hasil
Sang-e-dar-e-mahboob pe kham meri jabeen hai
قید غمِ کونین سے آزاد ہوں خالِدؔ
غمخوار مِرا گنبدِ خِضرا کا مکیں ہے
Qaid gham-e-konain se aazaad hoon Khalidؔ
Ghamkhwar mera gumbad-e-Khazra ka makeen hai
Share This Naat
Share with friends and family
آغوشِ تصوّر میں مدینے کی زمیں ہے
خالد محمود خالد