مالک کہوں کہ صاحبِ رحمت کہوں تجھے
پروردگارِ خلق کی نعمت کہوں تجھے
maalik kahoon keh sahib-e-rehmat kahoon tujhe
parwardigar-e-khalq ki naimat kahoon tujhe
تیری صفت میں زمزمہ خواں خود کلامِ حق
ہاں ہاں اسی قرآن کی آیت کہوں تجھے
teri sifat mein zamzama khawan khud kalam-e-haq
haan haan isi Quran ki aayat kahoon tujhe
والشمّس والضحیٰ میں ترے زلف و رخ کا ذکر
اے جانِ حُسن روح کی راحت کہوں تجھے
wal-shams wal-doha mein tere zulf o rukh ka zikr
ae jaan-e-husn rooh ki rahat kahoon tujhe
اللہ نے خزانے تجھے سارے دے دیے
معطی ہے رب تو قاسمِ نعمت کہوں تجھے
Allah ne khazaane tujhe saare de diye
mu'ti hai rab tu qasim-e-naimat kahoon tujhe
تو مصطفیٰ ہے ظلِّ خدائے قدیر ہے
پھر کیوں نہ شمعِ بزمِ ہدایت کہوں تجھے
tu Mustafa hai zill-e-khudaaye qadeer hai
phir kyon na shama-e-bazm-e-hidayat kahoon tujhe
قصرِ دنا میں تیری رسائی کی دھوم ہے
معراج والے صاحبِ رفعت کہوں تجھے
qasr-e-dana mein teri rasaai ki dhoom hai
mairaaj wale sahib-e-raf'at kahoon tujhe
انسان کی مجال کہ تجھ کو سمجھ سکے
آقا میں شاہ کارِ قدرت کہوں تجھے
insaan ki majaal keh tujhe samajh sake
aaka mein shaahkar-e-qudrat kahoon tujhe
تیری طرف ہیں سارے رسولوں کی نسبتیں
مولیٰ میں شاہِ بزمِ رسالت کہوں تجھے
teri taraf hain saare rasoolon ki nisbatain
Maulaa mein shaah-e-bazm-e-risaalat kahoon tujhe
بعثت پہ تیری ختم نبوت کا سلسلہ
پھر کیوں نہ مہرِ ختمِ نبوت کہوں تجھے
ba'athat pe teri khatme nabuwat ka silsila
phir kyon na mehr-e-khatm-e-nabuwat kahoon tujhe
مالک خدا نے تجھ کو بنایا خدائی کا
رب کی عطا سے قاسمِ نعمت کہوں تجھے
maalik khuda ne tujhe banaya khudai ka
rab ki ata se qasim-e-naimat kahoon tujhe
محشر کے روز جب ترے ہاتھوں میں ہو لوا
اے جانِ جاں میں جانِ شفاعت کہوں تجھے
mahshar ke roz jab tere haathon mein ho liva
ae jaan-e-jaan mein jaan-e-shafaat kahoon tujhe
مالک ہے تو ہی کوثر و تسنیم کا شہا
اے تاج والے صاحبِ کثرت کہوں تجھے
maalik hai tu hi kausar o tasneem ka shaha
ae taaj wale sahib-e-kasrat kahoon tujhe
ارض و سما کو نور ترے نور سے ملا
خالق کا بندہ باعث خلقت کہوں تجھے
arz o sama ko noor tere noor se mila
khaaliq ka banda baais khalqat kahoon tujhe
آدم سے تا مسیح یہ تیرا ہی ذکر ہے
رب کے چنے ہوؤں کی بشارت کہوں تجھے
Adam se taa Masiha yeh tera hi zikr hai
rab ke chune huon ki basharat kahoon tujhe
ہاں زندگی میں تیرے ہی دم سے ہے زندگی
اس زندگی کا منبعِ حرکت کہوں تجھے
haan zindagi mein tere hi dam se hai zindagi
is zindagi ka manba-e-harkat kahoon tujhe
تیری ہی ذات رحمت و اکرام کا سبب
بندوں کے حق میں رب کی عنایت کہوں تجھے
teri hi zaat rehmat o ikraam ka sabab
bandoon ke haq mein rab ki inaayat kahoon tujhe
تیرے صحابہ مثل مہ و مہر و کہکشاں
اے نور والے مرکزِ طلعت کہوں تجھے
tere sahaaba misl mah o mehr o kahkashaan
ae noor wale markaz-e-talat kahoon tujhe
اے سید البلاد مدینہ کہیں جسے
جی چاہتا ہے نازشِ جنت کہوں تجھے
ae sayyid al-bilaad Madina kahein jise
jee chahta hai naazish-e-jannat kahoon tujhe
اے سبز رنگ گنبدِ خضریٰ ترے نثار
مومن کے دل کی آخری چاہت کہوں تجھے
ae sabz rang gumbad-e-khazra tere nisaar
momin ke dil ki aakhri chaahat kahoon tujhe
نظمی یہ وہ سخن نہیں جو ختم ہو سکے
نورِ ازل کی جاری حقیقت کہوں تجھے
nazmi ye woh sakhan nahin jo khatam ho sake
noor-e-azal ki jaari haqiqat kahoon tujhe
Share This Naat
Share with friends and family
مالک کہوں کہ صاحبِ رحمت کہوں تجھے
سید آل رسول حسنین میاں برکاتی نظمی