والیِ دیدہ و دل ماحی و حاشر میرے
تیرے محکوم ہیں مخفی و ظاہر میرے
Wali-e deda o dil mahi o hashar mere
Tere makhdoom hain makhfi o zaahir mere
تیری دہلیز کی خیرات مرا شوق و طلب
تیری خوشبو تیری آواز مناظر میرے
Teri dehliz ki khairaat mera shauq o talab
Teri khushboo teri awaaz manazir mere
اپنے قدموں سے سرافراز مجھے بھی فرما
میں بھی چھوٹا سا مدینہ ہوں مہاجر میرے
Apne kadmon se sar-afraaz mujhe bhi farma
Main bhi chhota sa Madinah hoon muhajir mere
تیرے بازار میں بکنے کے لیے آیا ہوں
کاتبین اور نکیرین ہیں تاجر میرے
Tere bazaar mein bikne ke liye aaya hoon
Katibeen aur nakeerin hain tajir mere
جسم میرا ہے یہاں سانس وہاں لیتا ہوں
سبز گنبد کی طرف اڑتے ہیں طائر میرے
Jism mera hai yahan saans wahan leta hoon
Sabz gunbad ki taraf urhte hain tair mere
دوڑ جائیں تری شیرینیاں شریانوں میں
کاش جالی کو تری ہونٹ چھوئیں پھر میرے
Dor jayein teri sheereniyan sharyanon mein
Kaash jaali ko teri hont chooen phir mere
میری بینائی کسی اور کی مقروض نہیں
مجھ میں ہیں صرف تیرے رنگ مصوّر میرے
Meri beenai kisi aur ki maqrooz nahin
Mujh mein hain sirf tere rang musawwir mere
نام ہوگا مرا فہرست کرم میں ان کی
میں غلام اُن کا ہوں آقا ہیں وہ آخر میرے
Naam hoga mera fehrist-e karam mein unki
Main ghulaam unka hoon aaqa hain woh aakhir mere
میرا ہر سانس مظفر ہے انہی کا صدقہ
مالا مال ان کی محبت سے ذخائر میرے
Mera har saans Muzaffar hai inhi ka sadqa
Maala maal unki mohabbat se zakhaair mere
Share This Naat
Share with friends and family
والیِ دیدہ و دل ماحی و حاشر میرے
مظفر وارثی