نہ مال اولاد دا صدقہ نہ کاروبار دا صدقہ
اسیں تے کھانے آں یارو خدا دے یار دا صدقہ
Na maal oolaad da sadqa na karobar da sadqa
Asin te khanay aan yaro Khuda de yaar da sadqa
خدا رازق اے اللہ والیاں دا ایہہ عقیدہ اے
خدا دیندا اے پر دیندا اے اپنے یار دا صدقہ
Khuda raaziq ae Allah waliyaan da eh aqeeda ae
Khuda dindaa ae par dindaa ae apne yaar da sadqa
لڑی چوں ٹُٹ کے دانہ ہمیشہ خاک وِچ رُلدا
لڑی مِلدی اے اللہ والیاں دے پیار دا صدقہ
Lari choon tut ke daana hamesha khak vich rulda
Lari mil diya ae Allah waliyaan de pyaar da sadqa
مدینے والیا! محفل چوں خالی کوئی نہ جاوے
بھریں جھولی اساڈی اپنے یارِ غار دا صدقہ
Madine waliya! Mehfil choon khaali koi na jaave
Bharein jholi asadi apne yaar-e-ghaar da sadqa
بجا اے ناز اپنے نقشبندی ہون تے مینوں
ایہہ ملیا سلسلہ مینوں نبیؐ دے یار دا صدقہ
Baja ae naaz apne Naqshbandi hon te mainu
Eh miliya silsila mainu Nabiؐ de yaar da sadqa
ظہوریؔ دی وی ہووے در ترے تے حاضری آقا
ترے دربار تے آواں ترے دربار دا صدقہ
Zahooriؔ di vi hovay dar tre te haazri aaqa
Tre darbaar te aawan tre darbaar da sadqa
Share This Naat
Share with friends and family
نہ مال اولاد دا صدقہ نہ کاروبار دا صدقہ
محمد علی ظہوری