ہر آن ملی سب کو دوا میرے نبی سے
ہر ایک نے پائی ہے شفا میرے نبی سے
Har aan mili sab ko dawa mere Nabi se
Har aik ne pai hai shifa mere Nabi se
اک حشر کے دن ہو گی ملاقات گھڑی بھر
جب ہو گی شفاعت کی عطا میرے نبی سے
Ek hashr ke din ho gi mulaqat ghari bhar
Jab ho gi shafaat ki ata mere Nabi se
خوش رنگ جو بلبل بھی چہکتے ہیں گلوں پر
ان سب کے چہکنے کی ادا میرے نبی سے
Khush rang jo bulbul bhi chehaktay hain gulon par
Un sab ke chehakne ki ada mere Nabi se
وہ شخص مقدر کا دھنی ہوتا ہے پل پل
ملتی ہے سدا جس کو دعا میرے نبی سے
Woh shakhs muqaddar ka dhani hota hai pal pal
Milti hai sada jis ko dua mere Nabi se
بارش بھی برستی ہے وسیلے سے نبی کے
بادل کے گرجنے کی صدا میرے نبی سے
Barish bhi barasti hai waseele se Nabi ke
Badal ke garajne ki sada mere Nabi se
مہکے ہوئے منظر جو ملے سارے جہاں کو
پاتے ہیں وہ سب حُسنِ ادا میرے نبی سے
Mehke hue manzar jo mile saray jahan ko
Patay hain woh sab husn-e-ada mere Nabi se
روحوں سے کہا ہو گا خدا نے یہ فلک پر
دنیا میں سدا کرنا وفا میرے نبی سے
Ruhon se kaha ho ga Khuda ne ye falak par
Duniya mein sada karna wafa mere Nabi se
دنیا بھی ملی اس کو تو عقبیٰ بھی ملے گی
کر لے جو زمانے میں وفا میرے نبی سے
Duniya bhi mili us ko to uqba bhi mile gi
Kar le jo zamane mein wafa mere Nabi se
قائم جو مدینے سے یہ آتی ہے صبا بھی
گلرنگ یہ کرتی ہے فضا میرے نبی سے
Qaim jo Madine se ye aati hai saba bhi
Gulrang ye karti hai fiza mere Nabi se
Share This Naat
Share with friends and family
ہر آن ملی سب کو دوا میرے نبی سے
سید حب دار قائم