دفن جو صدیوں تلے ہے وہ خزانہ دے دے
ایک لمحے کو مجھے اپنا زمانہ دے دے
dafn jo sadyon tale hai wo khazana de de
ek lamhe ko mujhe apna zamana de de
چھاپ دے اپنے خد و خال مری آنکھوں پر
پھر رہائش کے لیے آئِنہ خانہ دے دے
chhap de apne khad o khal meri aankhon par
phir rahaiish ke liye aainah khana de de
اَور کُچھ تُجھ سے نہیں مانگتا میرے آقاؐ
نارسائی کو زیارت کا بہانہ دے دے
aur kuch tujh se nahi maangta mere aqa
narasai ko ziarat ka bahana de de
مَوت جب آئے مجھے کاش ترے شہر میں آئے
خاکِ بطحا سے بھی کہہ دے کہ ٹھکانہ دے دے
maut jab aaye mujhe kash tere shehar mein aaye
khak-e-bat'ha se bhi keh de ke thikana de de
زندگی جنگ کا میدان نظر آتی ہے
میری ہر سانس کو آہنگِ ترانہ دے دے
zindagi jung ka maidan nazar aati hai
meri har saans ko aahang-e-tarana de de
اپنے ہاتھوں ہی پریشان ہے اُمّت تیری
اُس کے اُلجھے ہُوئے حالات کو شانہ دے دے
apne haathon hi pareshaan hai ummat teri
us ke uljhe hue halaat ko shana de de
اپنے ماضی سے مظفّر کو ندامت تو نہ ہو
اس کے اِمروز کو فردائے یگانہ دے دے
apne mazi se Muzaffar ko nadamat to na ho
is ke imroz ko farda-e-yagana de de
Share This Naat
Share with friends and family
دفن جو صدیوں تلے ہے وہ خزانہ دے دے
مظفر وارثی