حق نے پہلے مجھے زباں بخشی
نعت کہنے کی پھر سعادت دی
Haq ne pehle mujhe zubaan bakhshi
naat kehne ki phir sa'adat di
جب سواری حضورؐ کی گزری
ہر طرف خلد کی مہک پھیلی
Jab sawari Huzoorؐ ki guzri
har taraf khuld ki mehak phaili
ابتدا عشق کی مدینہ ہے
انتہا آپؐ کی قدم بوسی
Ibtida ishq ki Madinah hai
intihaa aapؐ ki qadam bosi
دل سے اُڑ کر یہ بلبلِ مدحت
سبز گنبد کے قرب میں چہکی
Dil se ur kar yeh bulbul-e-mad'Hat
sabz gunbad ke qurb mein chehki
روشنی جالیوں سے چھن چھن کر
چشمِ زائر کو ہے جِلا دیتی
Roshni jaalion se chhan chhan kar
chashm-e-zaa'ir ko hai jila deti
دل مدینہ بنا لیا ہم نے
ڈور جس سے ہے سانس کی باندھی
Dil Madinah bana liya hum ne
dor jis se hai saans ki bandhi
جب تصوّر کیا حضوری کا
میرے وجدان پر ثنا اتری
Jab tasawwur kiya Huzoori ka
mere wijdaan par sana utri
صدقۂ لطفِ رحمتِ عالم
نعت فکر و شعور پر چھائی
Sadaqah-e-lutf-e-rehmat-e-aalam
naat fikr o sha'ur par chhaai
دل میں خواہش حضوری کی طاہرؔ
بن کے کوثر کی سرخوشی اتری
Dil mein khwahish Huzoori ki Tahirؔ
ban ke Kausar ki sarkhushi utri
Share This Naat
Share with friends and family
حق نے پہلے مجھے زباں بخشی
پروفیسر محمد طاہر صدیقی