مدینے والے کا جو بھی غلام ہو جائے
قسم خدا کی وہ عالی مقام ہو جائے
Madine wale ka jo bhi ghulam ho jaye
Qasam khuda ki woh aali maqam ho jaye
نبی کے عشق کا جس دل میں نور روشن ہو
تو اس پہ آتش دوزخ حرام ہو جائے
Nabi ke ishq ka jis dil mein noor roshan ho
To us pe aatish dozakh haram ho jaye
جھکانا چاہے جو قدموں میں بادشاہی کو
گدائے کوچۂ خیر الانام ہو جائے
Jhukana chahe jo qadmon mein badshahi ko
Gaday-e-koocha-e-khair-ul-anaam ho jaye
لبوں پہ مہر ادب ہو نبی کی چوکھٹ ہو
نظر نظر میں سلام و پیام ہو جائے
Labon pe mohar-e-adab ho nabi ki chaukhat ho
Nazar nazar mein salaam o payaam ho jaye
نبی کے دم سے ہے دونوں جہاں میں دم باقی
یہ دم نہ ہو تو قصہ تمام ہو جائے
Nabi ke dam se hai dono jahan mein dam baqi
Yeh dam na ho to qissa tamam ho jaye
یہ محفل شہ لولاک ہے اے دیوانوں
ذرا ادب سے درود و سلام ہو جائے
Yeh mehfil Shah-e-lolak hai aye diwano
Zara adab se darood o salaam ho jaye
ملی ہے مجھ کو حیات دوام سمجھوں گا
جو صبح زیست کی طیبہ میں شام ہو جائے
Mili hai mujh ko hayat-e-dawam samjhoonga
Jo subah-e-zeest ki tayyaba mein shaam ho jaye
مدینے والے یہ ہے آرزو نیازیؔ کی
کہ چند روز مدینے قیام ہو جائے
Madine wale yeh hai aarzoo Niazi ki
Ke chand roz madine qayaam ho jaye
Share This Naat
Share with friends and family
مدینے والے کا جو بھی غلام ہو جائے
عبدالستار نیازی