جمالِ ذات کا آئینہ تیری صورت ہے
مرے لئے ترا دیدار ہی عبادت ہے
Jamaal-e-zaat ka aaina teri soorat hai
Mere liye tera deedaar hi ibaadat hai
مرے لبوں پہ شب و روز ان کی مدحت ہے
خدا کی اس سے بڑی کون سی عنایت ہے
Mere labon pe shab o roz un ki mad-hat hai
Khuda ki is se badi kaun si inayat hai
تمہارے اسِم گرامی پہ بے شمار سلام
یہ نام وہ ہے جو ہر کیف کی ضمانت ہے
Tumhare ism-e-graami pe be shumar salaam
Ye naam woh hai jo har kaif ki zamaanat hai
مری خطا پہ نا جاؤ نصیب کو دیکھو
میں ان کا ہوں کہ جنہیں در گزر کی عادت ہے
Meri khata pe na jaao naseeb ko dekho
Main un ka hoon ke jinhen dar guzar ki aadat hai
جلا سکے گی نہ دوزخ کی آگ بھی اسکو
وہ جس کی زیست کا سرمایہ انکی الفت ہے
Jala sake gi na dozakh ki aag bhi usko
Woh jis ki zeest ka saarmaya unki ulfat hai
خدا کا تم سا کوئی دوسرا حبیب نہیں
جو با ت منہ سے نکلتی ہے وہ مشیت ہے
Khuda ka tum sa koi doosra Habib nahin
Jo baat munh se niklti hai woh mashiyat hai
جہاں میں سب کرم مصطفٰؐے سے زندہ ہیں
چھپائے چھپ نہیں سکتی یہ وہ حقیقت ہے
Jahaan mein sab karam Mustafa (SAW) se zinda hain
Chhupaye chhup nahin sakti ye woh haqeeqat hai
غنی بناتی ہے بھیک ان کے آستانے کی
بُہت حسین فقیرو تمہاری قسمت ہے
Ghani banati hai bheek un ke aastane ki
Bahut haseen faqeero tumhari qismat hai
کسی کے در پہ میں پھیلاؤں ہاتھ کیوں خالدؔ
حضورؐ ہیں تو مجھے کس کی پھر ضرورت ہے
Kisi ke dar pe main phailaon haath kyun Khalid
Huzoor (SAW) hain to mujhe kis ki phir zarurat hai
Share This Naat
Share with friends and family
جمالِ ذات کا آئینہ تیری صورت ہے
خالد محمود خالد