آپؐ کا رحمت بھرا ہے آستاں سب کے لیے
امن کا اور آشتی کا آسماں، سب کے لیے
Aapؐ ka rehmat bhara hai aastan sab ke liye
Aman ka aur aashtee ka aasmaan, sab ke liye
جو بھی آئے اپنے دامن میں چھپا لیتے ہیں آپؐ
دھوپ میں پھیلا ہوا ہے سائباں، سب کے لیے
Jo bhi aaye apne daaman mein chhupa lete hain aapؐ
Dhoop mein phaila hua hai saa'ibaan, sab ke liye
روشنی تقسیم کرتے ہیں ستاروں کی طرح
آپؐ ہیں اِک خوبصورت کہکشاں سب کے لیے
Roshni taqseem karte hain sitaron ki tarah
Aapؐ hain ek khubsurat kahkashaan sab ke liye
چین ملتا ہے ہر اک کو آپؐ کے دربار میں
آپؐ ہیں بے لوث چاہت کا جہاں سب کے لیے
Chain milta hai har ek ko aapؐ ke darbaar mein
Aapؐ hain be-loas chahat ka jahaan sab ke liye
کوئی لوٹا ہی نہیں خالی درِ سرکارؐ سے
آپؐ کی چشم کرم ہے مہرباں سب کے لیے
Koi lota hi nahi khaali dar-e sarkaarؐ se
Aapؐ ki chashm-e karam hai mehrbaan sab ke liye
آپؐ کا سایہ رہے سر پر تو ہر لمحہ مفید
ورنہ ساری زندگی ہے رائگاں، سب کے لیے
Aapؐ ka saaya rahe sar per to har lamha mufeed
Warna saari zindagi hai raigaan, sab ke liye
دشمنوں کے واسطے بھی آپؐ ہیں بادِ نسیم
آپؐ رحمت کا ہیں بحرِ بے کراں، سب کے لیے
Dushmanon ke waaste bhi aapؐ hain baad-e naseem
Aapؐ rehmat ka hain behr-e be karaan, sab ke liye
آپؐ کا وہ قافلہ صدیق ہیں جس کے امیر
ہر طرف ہے ضوفگن اور ضوفشاں، سب کے لیے
Aapؐ ka woh qafila sadiq hain jis ke ameer
Har taraf hai zaufagan aur zaufashaan, sab ke liye
گنبدِ لولاک پر ہے آپؐ کا عکس جمیل
آپؐ ہیں بے مثل عظمت کا نشاں، سب کے لیے
Gunbad-e Lolak par hai aapؐ ka aks-e jameel
Aapؐ hain be-misl azmat ka nishaan, sab ke liye
ہرگھڑی رکھتا ہے جو اپنے پرائے کا خیال
اس قدر ہے کون انجؔم مہرباں، سب کے لیے
Har ghari rakhta hai jo apne paraaye ka khayal
Is qadar hai kaun Anjum mehrbaan, sab ke liye
Share This Naat
Share with friends and family
آپؐ کا رحمت بھرا ہے آستاں سب کے لیے
انجم نیازی