ترے در سے غُلامی کا ، شہا ! رشتہ پُرانا ہے
یہی تو میری بخشش کا،مرے آقا ! بہانہ ہے
Tray dar say ghulami ka, shah! rishta purana hai
Yahi to meri bakhshish ka, meray aaqa! bahana hai
تڑپتے عُمر بیتی ہے ، مرے آقا بُلائیں گے
مُجھے دُکھڑا جدائی کا، مواجہ پر سُنانا ہے
Tadapte umr biti hai, meray aaqa bulaain gay
Mujhe dukhra judaai ka, muwajah par sunana hai
نہ کوئی تھا نہ کوئی ہے، نہیں ہوگا قیامت تک
مودّت جس کی واجب ہے، فقط تیرا گھرانہ ہے
Na koi tha na koi hai, nahi hoga qayamat tak
Muwadat jis ki wajib hai, faqat tera gharana hai
ہے گُستاخِ نبیْ جو بھی ، رہا وہ خائب و خاسر
کہ برسا اُس پہ لعنت کا ہمیشہ تازیانہ ہے
Hai gustakh-e-Nabi jo bhi, raha woh khaib o khasir
Ke barsa us pe lanat ka hamesha taziana hai
اِسے اعزاز حاصل ہے شہا ! دھرتی کے سینے پر
فرشتوں کا جو مرجع ہے ، وہ تیرا آستانہ ہے
Isay aizaaz hasil hai shah! dharti ke seenay par
Farishton ka jo marja hai, woh tera aastana hai
کبوتر بیٹھے رہتے ہیں شہا ! جو سبز گُنبد پر
بڑے ہی خوش مُقدّر ہیں، مِلا عُمدہ ٹھکانہ ہے
Kabootar baithay rehtay hain shah! jo sabz gunbad par
Baday hi khush muqadar hain, mila umda thikana hai
نبی کی آل کا صدقہ، بنے مدفن مدینے میں
کہ ایماں کو سمٹ کر پھر مدینے میں جو آنا ہے
Nabi ki aali ka sadqa, banay madfan Madinay mein
Ke emaan ko simat kar phir Madinay mein jo aana hai
مرے گھر میں جو سجتا ہے ،درودِ پاک کا حلقہ
اُسی سے بام و در کا یہ سدا موسم سُہانا ہے
Mere ghar mein jo sajta hai, darood-e-paak ka halqa
Usi se baam o dar ka yeh sada mausam suhana hai
دمِ آخر بھی جاری ہے ،زباں پر آپ کی مدحت
ترا صد شُکر ہے مولا ! لبوں پر یہ ترانہ ہے
Dum-e-aakhir bhi jari hai, zubaan par aap ki madhat
Tera sad shukar hai maula! labon par yeh tarana hai
اثاثہ زندگانی کا ، فقط اُن کی ثنا خوانی
لحد میں لے کے جاؤں گا کہ آقاْ نے جو آنا ہے
Asaasa zindagani ka, faqat un ki sana khwani
Lahad mein le ke jaonga ke aaqa ne jo aana hai
درود اُن پر ،سلام اُن پر ،وظیفہ زندگانی کا
لحد میں بھی جلیل اپنے ، یہی تو کام آنا ہے
Darood un par, salaam un par, wazifa zindagani ka
Lahad mein bhi jaleel apne, yahi to kaam aana hai
Share This Naat
Share with friends and family
ترے در سے غُلامی کا ، شہا ! رشتہ پُرانا ہے
حافظ عبدالجلیل