زندگی کا قیام تم سے ہے
سانس محوِ خرام تم سے ہے
Zindagi ka qiyam tum se hai
Saans mehve kharam tum se hai
گردشِ صبح و شام تم سے ہے
زندگی کا نظام تم سے ہے
Gardish-e-subh-o-shaam tum se hai
Zindagi ka nizam tum se hai
ارضِ بطحا نگاہِ عالم میں
لائقِ احترام تم سے ہے
Arz-e-Bat'ha nigah-e-aalam mein
Laiq-e-ehteraam tum se hai
سارے عالم کے حاکمِ اعلیٰ
دہر کا انتظام تم سے ہے
Saray aalam ke haakim-e-a'la
Dahr ka intezaam tum se hai
رب نے تم کو وہ رفعتیں بخشیں
آسماں زیرِ گام تم سے ہے
Rab ne tum ko woh rif'atain bakhshain
Aasmaan zeere gaam tum se hai
میرے دل کے نگار خانے میں
حسن کا ازدحام تم سے ہے
Mere dil ke nigar khaane mein
Husn ka izdiham tum se hai
اے فصیحِ عرب، بلیغِ عجم
حسنِ لفظِ و کلام تم سے ہے
Ae fasih-e-arab, baliigh-e-ajam
Husn-e-lafz-o-kalam tum se hai
چاند دو ٹکڑے کر دیے اس میں
خرق اور التیام تم سے ہے
Chand do tukdre kar diye us mein
Kharq aur altiyaam tum se hai
تشنہ لب امّتی کی قسمت میں
شیریں کوثر کا جام تم سے ہے
Tishna lab ummati ki qismat mein
Sheerin Kausar ka jaam tum se hai
کفر و الحاد کی زباں ہے گنگ
ان کے منہ میں لگام تم سے ہے
Kufr-o-ilhad ki zubaan hai gung
Un ke munh mein lagaam tum se hai
نسبتوں کا کمال ہے بے شک
بندہ یہ نیک نام تم سے ہے
Nisbaton ka kamal hai be-shak
Banda ye naik naam tum se hai
آج شعر و ادب کی دنیا میں
جو ہے احمدؔ کا نام تم سے ہے
Aaj sher-o-adab ki duniya mein
Jo hai Ahmad ka naam tum se hai
Share This Naat
Share with friends and family
زندگی کا قیام تم سے ہے
مولانا طفیل احمد مصباحی