وجودِ ارض و سما ہے تم سے
خُدا حقیقی خُدا ہے تم سے
Wajood-e-arz o sama hai tum se
Khuda haqeeqi khuda hai tum se
چھُپے ہُوئے کا ظہور تم ہو
مَیں کیا کہوں کیا حضور تم ہو
Chupay hue ka zahoor tum ho
Main kya kahoon kya Huzoor tum ho
ازل کا اعلان جب ہُوا تھا
جبھی تمھیں وصلِ رب ہُوا تھا
Azal ka elaan jab hua tha
Jabhi tumhein wasl-e-rab hua tha
تمھارا اِسم گرامی سُن کر
زمانہ آدم نسب ہُوا تھا
Tumhara ism-e-grami sun kar
Zamana Adam nasab hua tha
تمھاری ایجاد ہے تیقّن
تمھارا شاگرد ہے تمدّن
Tumhari ijaad hai taiqqon
Tumhara shagird hai tamaddon
تمام صُبحوں کا نُور تم ہو
مَیں کیا کہوں کیا حضور تم ہو
Tamam subhon ka noor tum ho
Main kya kahoon kya Huzoor tum ho
خُدا نے اس دل پہ بھی اُتارا
صحیفہ ء آرزو تمھارا
Khuda ne is dil pe bhi utara
Saheefa e arzu tumhara
تمھارے پَیروں سے گَرد اُڑکر
بنی ، مِری صُبح کا ستارا
Tumhare pairon se gard ud kar
Bani, meri subh ka sitara
مِری تمنّائے ہر عمل تم
مِری دُعاؤں کا ماحصل تم
Meri tamanna e har amal tum
Meri duaaon ka mahasil tum
مِری طلب کا غرور تم ہو
مَیں کیا کہوں کیا حضور تم ہو
Meri talab ka ghror tum ho
Main kya kahoon kya Huzoor tum ho
تمھارے ذرّے نجوم آقا
تمھاری خلوت ہجوم آقا
Tumhare zarray nojoom Aqa
Tumhari khalwat hajoom Aqa
مدینہ عِلم ہی نہیں ہو
ہو کائناتِ علم آقا
Medina ilm hi nahi ho
Ho kainat-e-ilm Aqa
یقیں کی تحریک تم سے لی ہے
شعور کی بھیک تم سے لی ہے
Yaqeen ki tehreek tum se li hai
Shaoor ki bheek tum se li hai
متاعِ تحت الشّعور تم ہو
مَیں کیا کہوں کیا حضور تم ہو
Mata-e-tehat-ush-shaoor tum ho
Main kya kahoon kya Huzoor tum ho
نہ بندگی پھر اچھوت ٹھہری
اذان، مرگِ سکوت ٹھہری
Na bandagi phir achot thehri
Azaan, marg-e-sakoot thehri
کِسی نے دیکھا نہ تھا خُدا کو
صدا تمھاری ثبوت ٹھہری
Kisi ne dekha na tha Khuda ko
Sada tumhari saboot thehri
زمیں کے محسن فلک کے محسن
مُجھ ایسے عاصی تلک کے محسن
Zameen ke mohsin falak ke mohsin
Mujh aise aasi talak ke mohsin
نہ دِل نہ آنکھوں سے دُور تم ہو
مَیں کیا کہوں کیا حضور تم ہو
Na dil na ankhon se door tum ho
Main kya kahoon kya Huzoor tum ho
ہوس مجھے جتنی بار کھینچے
تمھاری رحمت حصار کھینچے
Hawas mujhe jitni baar kheenchay
Tumhari rehmat hisaar kheenchay
خدا کو کتنا عزیز ہوگا
جسے محمّؐد کا پیار کھینچے
Khuda ko kitna azeez hoga
Jisse Muhammad ka pyar kheenchay
تمھارے دریا سے چل کے لہریں
مری حدِ تشنگی میں ٹھہریں
Tumhare darya se chal ke lehrain
Meri had-e-tashnagi mein thehrein
مِرا جہانِ سرُور تم ہو
مَیں کیا کہوں کیا حضور تم ہو
Mera jahan-e-sarur tum ho
Main kya kahoon kya Huzoor tum ho
مَیں جب سے مدحت سرا ہُوا ہُوں
جبھی سے سارا ہرا ہُوا ہُوں
Main jab se madhat sara hua hoon
Jabhi se sara hara hua hoon
مگر یہ لگتا ہے اب بھی مُجھ کو
کہ لغزشوں سےبھرا ہُوا ہُوں
Magar ye lagta hai ab bhi mujh ko
Ke laghzishon se bhara hua hoon
ضیائے اعمال کِتنی کم ہے
خُدا کا پھر بھی بڑا کرم ہے
Ziyaa e aamaal kitni kam hai
Khuda ka phir bhi bara karam hai
کرم کے پیچھے ضرور تم ہو
مَیں کیا کہوں کیا حضور تم ہو
Karam ke peechay zaroor tum ho
Main kya kahoon kya Huzoor tum ho
Share This Naat
Share with friends and family
وجودِ ارض و سما ہے تم سے
مظفر وارثی