سایہ افگن تِرا دامان ہے سبحان اللہ
دھوپ محشر کی بھی حیران ہے سبحان اللہ
Saya afgan tira daman hai Subhan Allah
Dhoop e mahshar ki bhi hairaan hai Subhan Allah
نُقَبائے مَہِ طیبہ تھے جو سابِق ان میں
اِک مَہِ مَطلَعِ کنعان ہے سبحان اللہ
Nuqabaaye mah e Taiba the jo saabik un mein
Ik mah e matla e Kan'an hai Subhan Allah
جس سے عالَم کے حسینوں نے ملاحت پائی
حسنِ شہ کا وہ نمکدان ہے سبحان اللہ
Jis se alam ke haseeno ne malaahat paai
Husn e shah ka woh namakdan hai Subhan Allah
مالکُ المُلک کے محبوب ! تِرے صحرا کا
ذرّہ اِک مُلکِ سُلیمان ہے سبحان اللہ
Malik ul mulk ke mahboob! Tere sehra ka
Zarra ik mulk e Sulaiman hai Subhan Allah
عقلِ سقراط و ارسطو ہے ترے در کی کنیز
اور بندہ تِرا لقمان ہے سبحان اللہ
Aqal e Saqraat o Aristu hai tere dar ki kaneez
Aur banda tira Luqman hai Subhan Allah
ناخنِ شاہ کو کر یاد گرفتارِ بلا !
ساری مشکل ابھی آسان ہے سبحان اللہ
Naakhun e Shah ko kar yaad giraftar e bala!
Saari mushkil abhi aasan hai Subhan Allah
دَم ہے اَموات کا مُحیِی تو لُعابِِ اَقدس
دفعِ بیمارئ اَبدان ہے سبحان اللہ
Dam hai amwat ka muhi tu luab e aqdas
Dafa e bimari e abdan hai Subhan Allah
کیوں نہ حیواں کی زباں سمجھے وہ تلمیذِ خدا
وہ تو بے جاں کا زباں دان ہے سبحان اللہ
Kyun na halwaan ki zubaan samjhe woh talmeez e Khuda
Woh to bejaan ka zubaan dan hai Subhan Allah
قبر کیونکر نہ ہو روشن کہ معظمؔ دل میں
عشقِ سرکار کا لمعان ہے سبحان اللہ
Qabr kyun kar na ho roshan ke Mu'azzam dil mein
Ishq e Sarkar ka lam'aan hai Subhan Allah
Share This Naat
Share with friends and family
سایہ افگن تِرا دامان ہے سبحان اللہ
معظم سدا معظم مدنی