اللہ دے حبیب دی محفل سجا لواں
آقا دیاں غلاماں وچہ ناواں لکھا لواں
Allah de Habeeb di mehfil saja lawan
Aaqa diyaan gulaaman wicha nawaan likha lawan
یاد نبی دے پھلاں تھیں گھر نوں سجالواں
سوہنے دے اون جان دا رستہ بنا لواں
Yaad Nabi de phlaan theen ghar noon saja lawan
Sohnay de on jaan da rasta bana lawan
بن بن سوالی اوندینے جس در تے بادشاہ
میں وی اوہدے دوارے تے جھولی وچھا لواں
Ban ban sawaali onde ne jis dar te baadshah
Main vi ohde duaaray te jholi vichha lawan
اے موت میری موت ذرا ہور ٹھہر جا
سوہنے دے عاشقاں نوں میں نعتاں سنالواں
Ae maut meri maut zara hor thehar ja
Sohnay de aashiqaan noon main naats suna lawan
ایناں کرم تے میرے تے کر دے میرے خدا
جد چاہواں میں حضور دا دیدار پا لواں
Ena karam te mere te kar de mere Khuda
Jad chahwan main Huzoor da deedar pa lawan
سجدے کراں حضور دے منبر دے سامنے
نقش قدم حضور دا کعبہ بنا لواں
Sajday karaan Huzoor de mimbar de samne
Naqsh qadam Huzoor da Kaaba bana lawan
ایہہ کہہ کے سی شبیر نے نیتی نماز عشق
دنیا نوں بندگی دا قرینہ سکھا لواں
Ehe keh ke si Shabbir ne neeti namaaz e ishq
Duniya noon bandagi da qareena sikha lawan
سمجھاں گا مینوں عشق دی معراج ہو گئی
اوہدی گلی دے کتیاں نوں سینے لا لواں
Samjhaan ga main noon ishq di miraaj ho gayi
Ohdi gali de kutiyaan noon seene la lawan
ہر شے چماں گا مسجد نبوی دی بار بار
اکوار اپنے آقا دے روضے تے جا لواں
Har shay chamaan ga Masjid Nabvi di baar baar
Akwaar apne Aaqa de roza te ja lawan
ہے فیصلہ ایہہ عقل دا نچناں حرام ایں
کہندا اے عشق یار نوں نچ کے منا لواں
Hai faisla eh aqal da nachna haraam ai
Kehnda ae ishq yaar noon nach ke mana lawan
رحمت میرے حضور دی واجاں ہے مار دی
آ جا گنہ گارا میں تینوں بچا لواں
Rehmat mere Huzoor di vaajaan hai maar di
Aa ja gunehgaaran main tainoon bacha lawan
مینوں نیازی پھیر نئیں رہنی کمی کوئی
خود نوں نبی دی گلیاں دا منگتا بنا لواں
Main noon Niazi pher naeen rehni kami koi
Khud noon Nabi di galiyaan da mangta bana lawan
Share This Naat
Share with friends and family
اللہ دے حبیب دی محفل سجا لواں
عبدالستار نیازی