ہر پاسے عربی ماھی دے انوار دیاں تنویراں نے
سب عالم قیدی کیتا اے اوہدی زُلف دیاں زنجیراں نے
Har pasay arbi maahi de anwar diyan tanweeraan ne
Sab alam qaidy kita ae ohdi zulf diyan zanjeeran ne
کی داں شان کی رکھدے نے سوہنے دے یداللہ ہتھے دونویں
اک ہتھ وچ تیغ فتحنا دی اک ہتھ وچ سب تقدیراں نے
Ki dan shaan ki rakhday ne sohnay de yadullah hathay donwain
Ik hath wich tegh fathna di ik hath wich sab taqdeeran ne
مازاغ دے اکھیاں وچ ڈورے وِچ سُرمہ طغی دا پھبدا اے
والفجر جبیں دیاں کرناں وچ قرآن دیاں تفسیراں نے
Mazagh de akhiyaan wich doray wich surma taghi da phabda ae
Walfajr jabeen diyan karnan wich Quran diyan tafseeraan ne
ایہہ عاشق صادق جان دے نے سجناں دے شہر دی عظمت نوں
طیبہ دی اک گٹھ تھاں بدلے جنہاں دتیاں وار جاگیراں نے
Aye aashiq sadiq jaan de ne sajnan de shehar di azmat nu
Tayba di ik gath thaan badlay jinhan dityan waar jageeran ne
مینوں قسم خُدا دی سوہنے دی رحمت نے جوش چہ آجانا
جد جانا ایں اوہدے دَر اُتے آساں عاصیاں پر تقصیراں نے
Mainu qasm Khuda di sohnay di rehmat ne josh ch aa jana
Jad jana ae ohday dar utay aasaan aasiyan par taqseeran ne
ایہہ کہکشاں صائم سوہنے دے راہواں دی دُھوڑ دا نقشہ اے
اوہدی خاک قدم مل مُکھڑے نے لیا چانن بدر منیراں نے
Aye kahkashaan saim sohnay de raahwaan di dhur da naqsha ae
Ohdi khaak qadam mil mukhray ne lia chanan badr muneeran ne
Share This Naat
Share with friends and family
ہر پاسے عربی ماھی دے انوار دیاں تنویراں نے
علامہ صائم چشتی