تیرے اذکار سے روشن ہے مقدر میرا
دل تری یاد سے رہتا ہے منور میرا
Tere azkar se roshan hai muqaddar mera
Dil teri yaad se rehta hai munawwar mera
شاہِ کونین سے کتنی ہے محبت مجھ کو
جانتا ہے مرے جذبات پیمبر میرا
Shah-e-konain se kitni hai mohabbat mujh ko
Janta hai mere jazbat paimbar mera
چوم پاؤں میں اگر نقشِ کفِ پائے رسول
اس بلندی پہ کرے ناز مقدر میرا
Choom paon mein agar naqsh-e-kaf-e-paye Rasool
Is bulandi pe kare naaz muqaddar mera
جب بھی مشکل کوئی درپیش ہوئی ہے مجھ کو
اشک شوئی مری کرتا رہا سرور میرا
Jab bhi mushkil koi darpesh hui hai mujh ko
Ashk shoi meri karta raha sarwar mera
گھر میں رہتی ہیں درودوں کی بہاریں اکثر
گھر ترے ذکر سے رہتا ہے معطر میرا
Ghar mein rehti hain daroodon ki baharein aksar
Ghar tere zikr se rehta hai muattar mera
جانتا ہوں مری اوقات نہیں ہے، پھر بھی
مانگتا ہے ترا جلوہ دلِ مضطر میرا
Janta hoon meri auqat nahi hai, phir bhi
Maangta hai tera jalwa dil-e-muztar mera
قلبِ اشفاقؔ میں یادِ شہِ بطحا آئی
کوئے دل ہو گیا اک پل میں مسخر میرا
Qalb-e-Ashfaq mein yaad-e-shah-e-Batha aayi
Kooye dil ho gaya ik pal mein musakhkhar mera
Share This Naat
Share with friends and family
تیرے اذکار سے روشن ہے مقدر میرا
اشفاق احمد غوری