جو مرے نبی کا کرم ہوا وہ میں لاؤں کیسے حساب میں
مجھے در پہ اپنے بلا لیا کبھی جاگتے کبھی خواب میں
Jo mere Nabi ka karam hua wo main laaon kaise hisaab mein
Mujhe dar pe apne bula liya kabhi jagte kabhi khawab mein
جو مہک پسینے میں ہے ترے جو ہے رنگ تیرے شباب میں
نہ وہ موتئے میں مہک ملی نہ وہ حسن دیکھا گلاب میں
Jo mehek paseene mein hai tere jo hai rang tere shabaab mein
Na wo motiye mein mehek mili na wo husn dekha gulaab mein
کبھی جالیوں کے قریب میں کبھی دوریوں میں مزے لیے
جو کرم ہوئے ہیں کریم کے وہ حساب میں نہ کتاب میں
Kabhi jaaliyon ke qareeb main kabhi dooriyon mein maze liye
Jo karam hue hain Kareem ke wo hisaab mein na kitaab mein
مرے لب پہ ذکر حضور ہے بڑا میٹھا میٹھا سرور ہے
ترے ذکر میں جو خمار ہے وہ شباب میں نہ شراب میں
Mere lab pe zikr Huzoor hai bara meetha meetha suroor hai
Tere zikr mein jo khumaar hai wo shabaab mein na sharaab mein
کوئی بھیجے تھے سلام کے کوئی گائے گن تیرے نام کے
کوئی آنسوؤں کا خراج دے یا نبی تمہاری جناب میں
Koi bhejey the salaam ke koi gaaye gun tere naam ke
Koi aansuon ka khiraaj de ya Nabi tumhari janaab mein
وہ دیار پاک کی وادیاں وہ در نبی کی تجلیاں
میں نظر جھکاؤں تو دیکھ لوں نہیں اب مدینہ حجاب میں
Wo dayar paak ki vaadiyan wo dar Nabi ki tajalliyan
Main nazar jhukaun to dekh loon nahi ab Madina hijaab mein
وہ قریب سے بھی قریب تر ہے یہ فلسفہ بھی عجیب تر
کہ نظر نظر میں سما کے بھی ہیں چھپے ہوئے وہ نقاب میں
Wo qareeb se bhi qareeb tar hai ye falsafa bhi ajeeb tar
Ke nazar nazar mein sama ke bhi hain chhupe hue wo naqaab mein
یہ کرم بھی کیسے کرم ہوئے سبھی دور رنج و الم ہوئے
میں بتاؤں کیسے سنو گے کیا نہ سوال میں نہ جواب میں
Ye karam bhi kaise karam hue sabhi door ranj o alam hue
Main bataon kaise suno ge kya na sawal mein na jawaab mein
ہے یہی نیازی کا آسرا میں ہوں نام لیوا حضور کا
نہیں اور حسن عمل لکھا مری زندگی کی کتاب میں
Hai yehi Niazi ka aasra main hoon naam lewa Huzoor ka
Nahi aur husn amal likha meri zindagi ki kitaab mein
Share This Naat
Share with friends and family
جو مرے نبی کا کرم ہوا وہ میں لاؤں کیسے حساب میں
عبدالستار نیازی