بیٹھے ہیں ترے در پہ غلاموں پہ نظر ہو
تم والیِ کونین ہو تم نازِ بشر ہو
Baithay hain taray dar pe ghulamon pe nazar ho
Tum wali-e-kounain ho tum naaz-e-bashar ho
مدت سے ترے شہر کے انوار نہ دیکھے
مژدہِ کرم اب تو ملے اذنِ سفر ہو
Muddatt se taray shehar ke anwaar na dekhe
Mushda-e-karam ab to mile izin-e-safar ho
بِن تیرے جو گزری ہے وہ ناشاد و پشیماں
باقی جو بچی ہے ترے قدموں میں بسر ہو
Bin teray jo guzri hai woh nashaad o pashemaan
Baaki jo bachi hai taray kadmon mein basar ho
یہ اُن کی عطا ہے کہ ملی نوکری مجھ کو
وہ دیکھتے کب ہیں کہ کوئی وصف و ہنر ہو
Yeh un ki ata hai ke mili naukri mujh ko
Woh dekhte kab hain ke koi wasf o hunar ho
بس انکو ہی مانا ہے ہمیں ان سے ہے مطلب
ہم کب ہیں جنہیں رونقِ دُنیا کا اثر ہو
Bas unko hi maana hai humein un se hai matlab
Hum kab hain jinhein ronak-e-duniya ka asar ho
دل تیرے تصور سے چمک اُٹھتا ہے میرا
ہو’’ نور علٰی نور ‘ ‘اگر تیرا گذر ہو
Dil teray tasavvur se chamak uthta hai mera
Ho "noor ala noor" agar tera guzr ho
اُنْظُرکہوں آقا کبھی اَدْرِکْنِیْ پکاروں
یہ ورد وظیفہ ہی مرا شام و سحر ہو
Unzurkhoon aaqa kabhi adrikkni pukaroon
Yeh wird wazeefa hi mera shaam o sehar ho
خالی ہے شکیلؔ اب بھی یہ دامن دمِ رخصت
اُس شاہِ غریباں مرے آقاؐ کو خبر ہو
Khaali hai Shakeel ab bhi yeh daaman dam-e-ruksat
Us shah-e-ghareebaan mere aaqa ko khabar ho
Share This Naat
Share with friends and family
بیٹھے ہیں ترے در پہ غلاموں پہ نظر ہو
محمد شکیل نقشبندی