چراغِ ایماں کی لَو کو تلوار کر رہا ہوں
محبتِ مصطفؐےٰ کی یلغار کر رہا ہوں
Chiragh-e-eeman ki lo ko talwar kar raha hoon
Mohabbat-e-Mustafؐa ki yalghar kar raha hoon
مری ولادت بھی صحنِ بوبکر میں ہوئی تھی
میں اُن کو سارے وجود سے پیار کر رہا ہوں
Meri waladat bhi saḥn-e-Bubakr mein hui thi
Main un ko sare wujud se pyar kar raha hoon
یہ حجرہ بھی کاش میرے آقا پسند کر لیں
نظر کو دہلیز دل کو دیوار کر رہا ہوں
Ye hujra bhi kaash mere aaqa pasand kar lein
Nazar ko dehleez dil ko deewar kar raha hoon
لئے کھڑی ہیں ہوائیں احرام خوشبوؤں کے
حضورؐ کی خاکِ پا کو دستار کر رہا ہوں
Liye khari hain hawaen ehraam khushboo'on ke
Huzoorؐ ki khaak-e-pa ko dastar kar raha hoon
فراز کوثر پہ جا کے نکلوں گا دیکھ لینا
میں اُن کے دریا کو ڈوب کر پار کر رہا ہوں
Faraz Kausar pe ja ke nikloon ga dekh lena
Main un ke dariya ko doob kar paar kar raha hoon
ہر اک اندھیرے سے دل کو خالی کرا لیا ہے
اب اپنی پر چھائیاں بھی مسمار کر رہا ہوں
Har ek andhere se dil ko khaali kara liya hai
Ab apni par chhaiyan bhi masmaar kar raha hoon
عبادتیں بھی انہی کے صدقے قبول ہوں گی
اسی لئے یاد انھیں لگاتار کر رہا ہوں
Ibadatein bhi unhi ke sadqe qubool hongi
Isi liye yaad unhein lagataar kar raha hoon
یہ زخم ہجرِ رسولؐ بھی ٗ روح کی غذا ہیں
یہ زخم کھا کر ہی روزہ افطار کر رہا ہوں
Ye zakham hijr-e-Rasoolؐ bhi ٗ rooh ki ghiza hain
Ye zakham kha kar hi roza iftar kar raha hoon
مرے خدا میرے دیدہ و دل وسیع کر دے
میں اپنے حصے کی مدحِ سرکار کر رہا ہوں
Mere Khuda mere deedah o dil wasee kar de
Main apne hisse ki madah-e-sarkar kar raha hoon
اذان سے کم نہیں مری نعت بھی مظفر
بلال و حسّان کا میں کردار کر رہا ہوں
Azaan se kam nahi meri naat bhi Muzaffar
Bilaal-o-Hasaan ka main kirdar kar raha hoon
Share This Naat
Share with friends and family
چراغِ ایماں کی لَو کو تلوار کر رہا ہوں
مظفر وارثی