خدا نے جس کے سر پر تاج رکھا اپنی رحمت کا
دُرُود اُس پر ہو وہ حاکم بنا مُلکِ رِسالت کا
Khuda ne jis ke sar par taj rakha apni rehmat ka
Durood us par ho wo hakim bana mulk-e-risalat ka
وہ ماحی کفر و ظلمت شرک و بدعات و ضلالت کا
وہ حافظ اپنی ملت کا وہ ناصر اپنی اُمت کا
Wo mahi kufr-o-zulmat shirk-o-bid'aat-o-zalalat ka
Wo hafiz apni millat ka wo nasir apni ummat ka
مَداوا کیسے فرمائے کوئی بیمارِ فرقت کا
کہ دِیدارِ نبی مرہم ہے اس دِل کی جراحت کا
Madawa kaise farmaaye koi bemaar-e-furqat ka
Ke deedaar-e-nabi marham hai is dil ki jarahat ka
اَثر کیا ہوسکے گا مہرِ محشر کی حرارت کا
ہمارے سر پہ ہوگا شامیانہ اُن کی رحمت کا
Asar kya ho sake ga mehr-e-mahshar ki hararat ka
Hamaare sar pe hoga shamiyaana un ki rehmat ka
کبھی دِیدارِ حق ہوگا کبھی نظارہ حضرت کا
ہمیں ہنگامۂ عیدین ہوگا دن قیامت کا
Kabhi deedaar-e-haq hoga kabhi nzaara hazrat ka
Hamen hngaama-e-eidain hoga din qiyamat ka
نہ کیوں ہو آشکارا تیرا جلوہ ذَرَّہ ذَرَّہ میں
شہنشاہِ مَدینہ تو ہے پرتو نورِ وَحدت کا
Na kyun ho aashkara tera jalwa zarrah zarrah mein
Shehenshah-e-madina tu hai partou noor-e-wahdat ka
دَمِ آخر سربالیں خرامِ ناز فرماؤ
خدارا حال دیکھو مبتلائے دَردِ فرقت کا
Dam-e-aakhir sarbaaleen khraam-e-naaz farmaao
Khudara haal dekho mubtalaay-e-dard-e-furqat ka
دَمِ آخر سرِبالیں یہ فرماتے ہوئے آؤ
نہ گھبرا خوفِ مرقد سے نہ کر کھٹکا قیامت کا
Dam-e-aakhir sar-e-baaleen ye farmaate hue aao
Na ghabra khauf-e-marqad se na kar khatka qiyamat ka
ہمیں بھی ساتھ لے لو قافلہ والو ذرا ٹھہرو
بہت مدت سے اَرماں ہے مَدینے کی زیارت کا
Hamen bhi saath le lo qafila waalo zara thahro
Bhot muddat se armaan hai madine ki ziarat ka
مری آنکھیں مَدینے کی زِیارت کو تر ستی ہیں
چمک جائے الٰہی اب تو تارا میری قسمت کا
Meri aankhein madine ki ziarat ko tarsati hain
Chamak jaye ilahi ab to tara meri qismat ka
قسم حق کی وہ دن عیدین سے بڑھ کر میں سمجھوں گا
نظر آئے گا جس دن سبز گنبد اُن کی تربت کا
Kasam haq ki wo din eidain se barh kar mein samjhoon ga
Nazar aaye ga jis din sabz gumbad un ki turbat ka
میں سمجھوں گا مری کشتِ تمنا میں بہار آئی
نظر آئے گا جس دن سبز گنبد اُن کی تربت کا
Mein samjhoon ga meri kasht-e-tamna mein bahar aayi
Nazar aaye ga jis din sabz gumbad un ki turbat ka
کلی کھل جائے گی دل کی جگر ہوجائے گا ٹھنڈا
نظر آئے گا جس دن سبز گنبد اُن کی تربت کا
Kali khil jaye gi dil ki jigar ho jaye ga thanda
Nazar aaye ga jis din sabz gumbad un ki turbat ka
میں سمجھوں گا ہوا جنت میں داخل موت سے پہلے
نظر آئے گا جس دن سبز گنبد اُن کی تربت کا
Mein samjhoon ga huwa jannat mein daakhil maut se pehle
Nazar aaye ga jis din sabz gumbad un ki turbat ka
دِکھا دے فیضِ اُستادِ حسن حضارِ محفل کو
جمیلؔ قادری پھر ہو بیاں پرلطف مِدحت کا
Dikha de faiz-e-ustaad-e-hasan huzar-e-mahfil ko
Jamil Qadri phir ho biyan par lutf midhat ka
Share This Naat
Share with friends and family
خدا نے جس کے سر پر تاج رکھا اپنی رحمت کا
جمیل الرحمن قادری