دل نذرانہ یار دا کر دے چنگا رئیں گا
یار دے پیراں تے سر دھر دے چنگا رئیں گا
Dil nazrana yar da kar de changa raen ga
Yar de peara te sar dhar de changa raen ga
پاک نبی نے جے کر تینوں س لیا اے
طیبہ جاویں ڈر دے ڈر دے چنگا رئیں گا
Pak Nabi ne je kar tainu sa lia ae
Tayba javen dar de dar de changa raen ga
پاک محمد دا ناں سوہنا شاناں والا
چیتے رکھیں مردے مردے چنگا رئیں گا
Pak Muhammad da naan sohna shanaan wala
Chitay rakhen marday marday changa raen ga
جدوں سُنہری جالی لاگے جاون لگیں
اتھرو اپنے رکھیں ورھدے چنگا رئیں گا
Jadon sunahri jali lagay javan lagen
Athru apnay rakhen vrhday changa raen ga
عرشاں نالوں نازک دھرتی طیبہ دی اے
پیر بناویں اوتھے سر دے چنگا رئیں گا
Arshan nalon naazuk dharti tayba di ae
Pear banaven othe sar de changa raen ga
پھیرے جو میں نے لائے کعبے پاک دے گردے
پھیرے لویں نبی دے در دے چنگا رئیں گا
Phire jo main ne lae Kaabey pak de gurd
Phire laven Nabi de dar de changa raen ga
صائم جے توں یار دی محفل لا لیناں ایں
پچھے لگ ناں مال تے زر دے چنگا رئیں گا
Sa'im je tun yar di mehfil laa laina ae
Pichay lag na maal te zar de changa raen ga
Share This Naat
Share with friends and family
دل نذرانہ یار دا کر دے چنگا رئیں گا
علامہ صائم چشتی