اُس کو نہ چھُو سکے کبھی رنج و بَلا کے ہاتھ
اُتّھے ہیں جس کے حق میں رسولِؐ خدا کے ہاتھ
Us ko na chhu sake kabhi ranj o bala ke hath
Uthe hain jis ke haq mein Rasool-e-Khuda ke hath
بھیجا گیا ہے دین رسولِؐ خدا کے ہاتھ
ایسا چراغ، دُور ہیں جس سے ہَوا کے ہاتھ
Bheja gaya hai deen Rasool-e-Khuda ke hath
Aisa charagh, door hain jis se hawa ke hath
دیکھوں گا جب بھی روضۂ اقدس کی جالیاں
چُوموں گا فرطِ شوق سے پیہم لگا کے ہاتھ
Dekhun ga jab bhi roz-e-aqdas ki jaliyan
Chumun ga fart-e-shauq se pieham laga ke hath
گیسوئے مصطفیٰؐ سے یقیناً ہُوئی ہے مَس
خوشبوں کہاں سے آئی یہ بادِ صبا کے ہاتھ
Gesoo-e-Mustafa se yaqinan hui hai mas
Khushbu kahan se aai ye bad-e-saba ke hath
خاطر میں کب وہ لائے گا شاہانِ وقت کو
اُٹھتے ہوں صرف اُن کی طرف جس گدا کے ہاتھ
Khatir mein kab wo layega shahan-e-waqt ko
Uthte hon sirf un ki taraf jis gada ke hath
محشر میں مجھ پہ سایۂ لُطفِ رسولؐ ہو
مَیں یہ دُعائیں مانگ رہا ہُوں اُٹھا کے ہاتھ
Mahshar mein mujh pe saya-e-lutf-e-Rasool ho
Mein ye duayen mang raha hoon uthha ke hath
ممکن نہ تھا کہ روضۂ اقدس کو چھُو سکیں
آگے بڑھا دیا ہے نظر کو بنا کے ہاتھ
Mumkin na tha ke roz-e-aqdas ko chhu saken
Aage barha diya hai nazar ko bana ke hath
بے حدّ و بے شمار خطائیں سہی، مگر
کچھ غم نہیں کہ لاج ہے اب مصطفیٰ ؐ کے ہاتھ
Be had-o-beshumar khataen sahi, magar
Kuch gham nahi ke laaj hai ab Mustafa ke hath
ہم عاصیوں کے آپ ؐ ہی تو دستگیر ہیں
ہم سب کا آسرا ہیں شہِؐ انبیا کے ہاتھ
Hum asiyon ke aap hi to dastageer hain
Hum sab ka aasra hain Shah-e-Anbiya ke hath
اخیار کی دُعا کا وسیلہ تلاش کر
عرشِ بریں سے دُور نہیں اولیا کے ہاتھ
Akhyar ki dua ka waseela talash kar
Arsh-e-bareen se door nahi auliya ke hath
مَیں ہُوں گدائے کُوچۂ آلِ نبی نصیرؔ
دیکھے تو مجھ کو نارِ جہنَّم لگا کے ہاتھ
Mein hoon gada-e-koocha-e-aal-e-Nabi Naseer
Dekhe to mujh ko naar-e-jahannum laga ke hath
Share This Naat
Share with friends and family
اُس کو نہ چھُو سکے کبھی رنج و بَلا کے ہاتھ
سید نصیرالدیں نصیر