فرازِ عرش پر رکھی ہوئی تصویر کس کی ہے
وہ اُمّی ہے تو پھر غارِ حرا تحریر کس کی ہے
Faraz-e-arsh par rakhi hui tasweer kis ki hai
Woh ummi hai to phir ghar-e-hira tehreer kis ki hai
تصور جگمگاتا ہے ہمارے چار سُو کس کا
ہمارے ہر طرف مہکی ہوئی تنویر کس کی ہے
Tasawwur jagmagata hai hamare chaar su kis ka
Hamare har taraf mehki hui tanveer kis ki hai
خزانے رحمتوں کے وہ لُٹاتا ہے سرِ محفل
کوئی دامن نہ پھیلائے تو یہ تقصیر کس کی ہے
Khazane rehmaton ke woh lutata hai sar-e-mahfil
Koi daman na phelaye to yeh taqseer kis ki hai
گُلوں کی پتیاں ہیں یا ہے اُس کا اسوۂ حسنہ
جسے لکھا گیا خوشبو سے وہ تفسیر کس کی ہے
Gulon ki patiyaan hain ya hai uska uswa-e-husna
Jise likha gaya khushboo se woh tafseer kis ki hai
اُتر جاتے ہیں لوگوں کے دلوں میں لفظ کیوں انجؔم
مری بے ساختہ تحریر میں تاثیر کس کی ہے
Utar jate hain logon ke dilon mein lafz kyun Anjam
Meri be-saakhta tehreer mein taseer kis ki hai
Share This Naat
Share with friends and family
فرازِ عرش پر رکھی ہوئی تصویر کس کی ہے
انجم نیازی