عجب روح پرور فضائے مدینہ
ہے کتنی مُعطّر ہوائے مدینہ
Ajab rooh parwar faza-e-Madina
Hai kitni muattar hawa-e-Madina
کہ سانسیں بھی اپنی مہکنے لگی ہیں
چلی آج شاید ہوائے مدینہ
Ke saansen bhi apni mehakne lagi hain
Chali aaj shayad hawa-e-Madina
اسے دھوپ غم کی ستائے تو کیسے
تنی جس کے سر پر رِدائے مدینہ
Use dhoop gham ki sataye to kaise
Tani jis ke sar par rida-e-Madina
وہی مثلِ مہتاب چمکے جہاں میں
کرے جن کو روشن ضیائے مدینہ
Wohi misl-e-mehtab chamke jahan mein
Kare jin ko roshan ziya-e-Madina
زمانے کی خوشیاں انہی کا مُقدّر
کہ دامن میں جن کو چھپائے مدینہ
Zamane ki khushiyan unhi ka muqaddar
Ke daaman mein jin ko chhupaye Madina
مبارک سفر ہے تو منزل حسیں ہے
چلا قافلہ جو برائے مدینہ
Mubarak safar hai to manzil haseen hai
Chala qafila jo baraye Madina
کہاں بادشاہوں کا ایسا مُقدّر
جہاں پر کھڑا ہے گدائے مدینہ
Kahan badshahon ka aisa muqaddar
Jahan par khada hai gada-e-Madina
کرم کی نظر ہو جلیلِ حزیں پر
ہو اذنِ حضوری ، کہ آئے مدینہ
Karam ki nazar ho Jaleel-e-Hazeen par
Ho azn-e-hazoori, ke aaye Madina
Share This Naat
Share with friends and family
عجب روح پرور فضائے مدینہ
حافظ عبدالجلیل