نبی کی یاد کا جلسہ سجائے بیٹھے ہیں
نظر میں گنبدِ خضریٰ بسائے بیٹھے ہیں
Nabi ki yaad ka jalsa sajae baithe hain
Nazar mein gunbad-e-khazra basae baithe hain
جو شمعِ عشقِ محمّد جلائے بیٹھے ہیں
وہ گَھر بہشت میں اپنا بنائے بیٹھے ہیں
Jo shama-e-ishq-e-Muhammad jalae baithe hain
Woh ghar bahisht mein apna banae baithe hain
نمازِ عشقِ نبی اس میں ہم کو پڑھنا ہے
یہ دل کو اس لیے کعبہ بنائے بیٹھے ہیں
Namaz-e-ishq-e-Nabi is mein hum ko parhna hai
Yeh dil ko is liye Kaaba banae baithe hain
جمالِ گنبدِ خضریٰ بسا کے آنکھوں میں
یہ سینہ اپنا مدینہ بنائے بیٹھے ہیں
Jamaal-e-gunbad-e-khazra basa ke aankhon mein
Yeh seena apna Madina banae baithe hain
حسین ابنِ علی کا یہ دیکھیے جذبہ
نبی کے دین پہ سب کچھ لُٹائے بیٹھے ہیں
Husain ibn-e-Ali ka yeh dekhiye jazba
Nabi ke deen pe sab kuch lutae baithe hain
چھِڑا ہے تذکرہ جس وقت شہرِ طیبہ کا
نبی کی یاد میں آنسو بہائے بیٹھے ہیں
Chhira hai tazkara jis waqt shehar-e-Taiba ka
Nabi ki yaad mein aansu bahae baithe hain
کرم کی بھیک ملے گی ضرور اے احمدؔ
درِ نبی پہ جو دھونی رمائے بیٹھے ہیں
Karam ki bheek mile gi zarur ae Ahmed
Dar-e-Nabi pe jo dhoni ramae baithe hain
Share This Naat
Share with friends and family
نبی کی یاد کا جلسہ سجائے بیٹھے ہیں
مولانا طفیل احمد مصباحی