چاند تاروں سے سرِ افلاک آرائش ہوئی
شاہ کے اعزاز میں ہر شے کی پیدائش ہوئی
Chaand taaron se sar e aflak aaraish hui
Shah ke aazaz mein har shay ki paidaaish hui
بس گئیں دل میں امامِ انبیاء کی الفتیں
دور میرے دل سے حبِ زر کی آلائش ہوئی
Bas gayee dil mein Imam e Anbiya ki ulfatein
Door mere dil se hub e zar ki aalaish hui
پھول، خوشبو، رنگ، موسم، چاند، تارے، رات، دن
تیری خاطر دو جہاں کی خوب زیبائش ہوئی
Phool, khushboo, rang, mausam, chaand, taare, raat, din
Teri khatir do jahan ki khoob zaibaish hui
تیرا صدقہ بانٹتا ہے خالقِ ارض و سماء
تیرے صدقے میں ہمیں حاصل ہر آسائش ہوئی
Tera sadqa baantta hai khalik e arz o samaa
Tere sadqe mein humein haasil har aasaaish hui
پوری کر دی خالقِ کونین نے یکبارگی
حاصلِ کون و مکاں کی جو بھی فرمائش ہوئی
Poori kar di khalik e konain ne yakbaragi
Haasil e kon o makaan ki jo bhi farmaaish hui
کر محبت آل سے اصحاب سے قرآن سے
شاہِ بحر و بر کی جانب سے یہ فہمائش ہوئی
Kar mohabbat aal se ashaab se quraan se
Shah e behr o barr ki jaanib se ye fahmaaish hui
جب کہا صلِ علیٰ اشفاقؔ ہم نے جھوم کر
باغِ جنت کی بہت ہی خوب افزائش ہوئی
Jab kaha solli ala ashfaq hum ne jhoom kar
Bagh e jannat ki bohat hi khoob afzaaish hui
Share This Naat
Share with friends and family
چاند تاروں سے سرِ افلاک آرائش ہوئی
اشفاق احمد غوری