دعا ہے زندگی جب تک مری سفر میں رہے
حبیبِؐ پاک کا جلوہ ہی چشمِ تر میں رہے
Dua hai zindagi jab tak meri safar mein rahe
Habib-e-Pak ka jalwa hi chashm-e-tar mein rahe
حضورؐ آپ کی سیرت ہو رہنمائے حیات
حضورؐ آپکا اسوہ مری نظر میں رہے
Huzur aap ki seerat ho rehnuma-e-hayat
Huzur aapka uswa meri nazar mein rahe
کسی کی روح کا سامان ہو جو طیبہ میں
بتا اے گردشِ دوراں وہ کس نگر میں رہے
Kisi ki rooh ka samaan ho jo Taybah mein
Bata ae gardish-e-dauraan wo kis nagar mein rahe
یہ عشق و وصل کے دعوے ہمیں نہیں زیبا
یہی بہت ہے کہ ہم اُن کی رہگزر میں رہے
Yeh ishq o wasl ke daway humein nahi zeeba
Yahi bohot hai ke hum un ki rehguzar mein rahe
درودِ پاکِ نبیؐ اور مدحتِ آقا
ہمیشہ روشنی بن کر ہمارے گھر میں رہے
Durood-e-Pak-e-Nabi aur madhat-e-aqa
Hamesha roshni ban kar humare ghar mein rahe
ہیں عقل والے پریشاں ترے اشاروں پر
دلِ صحابہؓ لٹے کیسے کس اثر میں رہے
Hain aql wale pareshan tare isharon par
Dil-e-Sahaba lute kaise kis asar mein rahe
یہ بندہ پروری ان کی ہے عجز ہے کیا ہے
کہ بن کے عرش کے مہماں دلِ بشر میں رہے
Yeh banda parwari un ki hai ajz hai kya hai
Ke ban ke arsh ke mehma’n dil-e-bashar mein rahe
عطا ہو ان کی تو پھر حسنِ نعتِ پاک شکیلؔ
عجب نہیں ہے اگر دستِ بے ہنر میں رہے
Ata ho un ki to phir husn-e-naat-e-Pak Shakeel
Ajab nahi hai agar dast-e-be-hunar mein rahe
Share This Naat
Share with friends and family
دعا ہے زندگی جب تک مری سفر میں رہے
محمد شکیل نقشبندی