اے کاش! شبِ تنہائی میں ، فُرقت کا اَلَم تڑپاتا رہے
لمحہ لمحہ الفت کی آگ کو اور بھی تُو بھڑکاتا رہے
Ae kash! Shab-e-tanhai mein, furqat ka alam tarpaata rahe
Lamha lamha ulfat ki aag ko aur bhi tu bharakata rahe
بے تاب جگر،قلبِ مُضطَر،دے دیجئے سرور! چشمِ تر
ہر وقت بھروں ٹھنڈی آہیں ،غم تیرا خون رُلاتا رہے
Be taab jigar, qalb-e-muztar, de deeje sarwar! chashme tar
Har waqt bharoon thandi aahein, gham tera khoon rulata rahe
بے چَین رہوں بے تاب رہوں ،میں ہچکیاں باندھ کے روتارہوں
یہ ذوقِ جُنوں بڑھتا ہی رہے،ہر دم یہ مجھ کو رُلاتا رہے
Be chain rahoon be taab rahoon, main hichkiyan band ke roota rahoon
Ye zauq-e-junoon barhta hi rahe, har dam ye mujh ko rulata rahe
میں عشق میں یوں گم ہو جا ؤں ،ہر گز نہ پتا اپنا پاؤں
جب جب میں تڑپ کر گر جاؤں ،تِرا دستِ عنایت اُٹھاتا رہے
Main ishq mein yoon gum ho jaoon, har giz na pata apna paaon
Jab jab main tadap kar gir jaoon, tira dast-e-inayat uthata rahe
جب آؤں مدینے روتا ہوا،ہو سامنے جب رَوضہ تیرا
چہرے سے نقاب اُٹھ جائے اور تُو جامِ دید پلاتا رہے
Jab aaon Madine rota hua, ho samne jab roza tera
Chehre se naqaab uth jaaye aur tu jaam-e-deed pilata rahe
بے کس ہوں شہا! میں دُکھیارا،لوگوں نے مجھے ہے دُھتکارا
تُو ہَمدَم ہے پھر کیا غم ہے،گو سارا جہاں ٹھکراتا رہے
Be kas hoon shaha! Main dukhara, logon ne mujhe hai dhutkara
Tu hamdam hai phir kya gham hai, go sara jahan thukrata rahe
صد شکر خدایا تُو نے دیا،ہے رَحمت والا وہ آقا
جو اُمّت کے رنج و غم میں ،راتوں کو اَشک بہاتا رہے
Sad shukar khudaya tu ne diya, hai rahmat wala woh aaqa
Jo ummat ke ranj o gham mein, raton ko ashk bahata rahe
جب گرمیِ حشر ہو زَوروں پر،اُس وقت تمنّا ہے سروَر!
ہم پیاس کے ماروں کو کوثر،کے جام پہ جام پلاتا رہے
Jab garmi-e-hashr ho zoron par, us waqt tamanna hai sarwar!
Hum pyaas ke maaron ko Kausar, ke jaam pe jaam pilata rahe
ہے میر ی تمنّاربِّ جہاں ،ہر خُرد وکلاں ہر ایک جواں
ہر ’’دعوتِ اسلامی‘‘ والا،سنّت کا عَلم لہراتا رہے
Hai meri tamanna rab-e-jahan, har khurd o kalan har aik jawan
Har "Dawat-e-Islami" wala, sunnat ka alam lehraata rahe
ہے تجھ سے دعا ربِّ اکبر! مقبول ہو ’’فیضانِ سنّت‘‘
مسجِد مسجِد گھر گھر پڑھ کر،اسلامی بھائی سناتا رہے
Hai tujh se dua rab-e-akbar! Maqbool ho "Faizan-e-Sunnat"
Masjid masjid ghar ghar parh kar, Islami bhai sunata rahe
جب میرا یاور ہے سروَر،پھر ڈر محشر کا ہو کیو نکر!
وہ حَشْر میں رُسوا کیسے کرے جو عیب یہاں پہ چُھپاتا رہے
Jab mera yaar hai sarwar, phir dar ma’shar ka ho kiyon kar!
Woh hash’r mein ruswa kaise kare jo aib yahan pe chupata rahe
جب تن سے جدا ہو جاں مُضطَر اُس وقت ہو جلوہ پیشِ نظر
ہو قبر میں بھی سایہ گُستَر،تُو میٹھی نیندسلاتا رہے
Jab tan se juda ho jaan muztar us waqt ho jalwa presh-e-nazar
Ho qabr mein bhi saya guster, tu meethi neend sulata rahe
یارب! یہ دعا عطاّرؔ کی ہے جس وقت تلک دنیا میں جئے
محبوب کی سنّت عام کرے ،یہ ڈنکا دیں کا بجاتا رہے
Yarab! Ye dua Attar ki hai jis waqt talak dunya mein jiye
Mehboob ki sunnat aam kare, ye danka deen ka bajaata rahe
Share This Naat
Share with friends and family
اے کاش! شبِ تنہائی میں ، فُرقت کا اَلَم تڑپاتا رہے
الیاس عطار قادری