خدا گواہ کبھی محترم نہیں ہوتا
وہ دل کہ جس پہ وہ نقشِ قدم نہیں ہوتا
Khuda gawah kabhi mohtaram nahi hota
Woh dil ke jis pe woh naqshe qadam nahi hota
زہے نصیب کہ مجھ پہ نظر ہے آقاؐ کی
ہر ایک قلب تو شایانِ غم نہیں ہوتا
Zahe naseeb ke mujh pe nazar hai Aqa (SAW) ki
Har aik qalb to shayan-e-gham nahi hota
درِ حضورؐ پہ گریہ ہی کام آتا ہے
زباں کو حوصلۂ عرضِ غم نہیں ہوتا
Dar-e-Huzoor (SAW) pe gerya hi kaam aata hai
Zubaan ko hosla-e-arz-e-gham nahi hota
جو دِل دیا ہے تو اُنؐ کی طلب بھی دے یا رب
طلب نہ ہو تو کرم بھی کرم نہیں ہوتا
Jo dil diya hai to un (SAW) ki talab bhi de ya Rab
Talab na ho to karam bhi karam nahi hota
وہ در عجیب ہے اس در سے جو بھی ملتا ہے
کسی کی وسعتِ داماں سے کم نہیں ہوتا
Woh dar ajeeb hai is dar se jo bhi milta hai
Kisi ki wusat-e-damaan se kam nahi hota
مرے حُضورؐ کا مسجُود ہے مرا مسجُود
سرِ نیاز کہیں اور خم نہیں ہوتا
Mere Huzoor (SAW) ka masjood hai mera masjood
Sar-e-niyaz kahin aur khum nahi hota
وہ نام سینہ بہ سینہ سفر میں ہے اب بھی
یہ فیض وہ ہے جو بخشش سے کم نہیں ہوتا
Woh naam seena bah seena safar mein hai ab bhi
Yeh faiz woh hai jo bakhshish se kam nahi hota
حنیفؔ اُنؐ کے غلاموں کو ناز ہے اُنؐ پر
غلام ایسا کہیں محترم نہیں ہوتا
Hanif (RA) un (SAW) ke ghulamon ko naaz hai un (SAW) par
Ghulam aisa kahin mohtaram nahi hota
Share This Naat
Share with friends and family
خدا گواہ کبھی محترم نہیں ہوتا
حنیف اسعدی