سوچا ہے اب مدینے جو آئیں گے ہم کبھی
اُٹھ کر درِ نبی ؐ سے نہ جائیں گے ہم کبھی
Socha hai ab Madine jo aayenge hum kabhi
Utth kar dar-e-Nabi ﷺ se na jayenge hum kabhi
یُوں اُن کے دَر پہ ہوش گنوائیں گے ہم کبھی
کھوئے تو خود کو ڈھونڈ نہ پائیں گے ہم کبھی
Yun un ke dar pe hosh gunwayenge hum kabhi
Khoye to khud ko dhoond na payenge hum kabhi
اے گردشِ زمانہ! ستا لے ہمیں، مگر
وہ دن بھی اآئے گا کہ ستائیں گے ہم کبھی
Ae gardish-e-zamana! Sata le humein, magar
Woh din bhi aayega ke satayenge hum kabhi
آئیں گے وہ ضرور بصد شانِ التفات
گھی کے چراغ گھر میں جلائیں گے ہم کبھی
Aayenge woh zarur ba-sad shaan-e-iltifaat
Ghee ke charagh ghar mein jalayenge hum kabhi
اُن کا جمال ہوگا نگاہوں کے سامنے
آئینہ زندگی کا بنائیں گے ہم کبھی
Un ka jamal hoga nigahon ke samne
Aa'ina zindagi ka banayenge hum kabhi
اُمّیؐ لقب نے ہم کو جو آکر پڑھا دیا
تا زیست وہ سبق نہ بھُلائیں گے ہم کبھی
Ummī ﷺ laqab ne hum ko jo aakar parha diya
Ta zeest woh sabaq na bhulayenge hum kabhi
ہر اشک اُن کے ہجر میں ہوگا لہُو ترنگ
عشق و وفا کی جوت جگائیں گے ہم کبھی
Har ashk un ke hijr mein hoga lahoo tarang
Ishq o wafa ki jot jagayenge hum kabhi
ہر سُو اُٹھے گا صلِّ علیٰ، مرحبا کا شور
یُوں دل کی انجمن کو سجائیں گے ہم کبھی
Har su uthega Sall-e-Ala, Marhaba ka shor
Yun dil ki anjuman ko sajayenge hum kabhi
کچھ تو نصیرؔ ہوگا صِلہ عشق و آہ کا
کچھ تو وفا کی راہ میں پائیں گے ہم کبھی
Kuch to Naseer hoga sila ishq o aah ka
Kuch to wafa ki raah mein payenge hum kabhi
Share This Naat
Share with friends and family
سوچا ہے اب مدینے جو آئیں گے ہم کبھی
سید نصیرالدیں نصیر