مری بے بسی پہ کرم کرو تمہیں واسطہ ہے حضُورؐ کا
مُجھے اُس دیار میں لے چلو جہاں ذرّہ ذرّہ ہے نُور کا
Meri be basi pe karam karo tumhe waasta hai Huzur ka
Mujhe us diyar mein le chalo jahan zarra zarra hai noor ka
مری زندگی ہمہ بندگی یہ عطائے ربِّ کریم ہے
مرا قلب ذکر سے جاگ اُٹھا یہ کرم ہے مجھ پہ حضُور کا
Meri zindagi hama bandagi yeh ataa'e Rab-e-Kareem hai
Mera qalb zikr se jaag utha yeh karam hai mujh pe Huzur ka
وہ چراغِ گنبدِ کاخ و کو‘ وہ حرم کی آخری آبرُو
وہی نقشِ دستِ کلیم ہیں ‘ وُہی نُور جلوۂ طُور کا
Wo charagh-e-gumbad-e-khaakh o ko' wo Haram ki aakhri aabroo
Wohi naqsh-e-dast-e-Kaleem hain ‘ wohi noor jalwa-e-Toor ka
وہ جمالِ حق کا ظہُور ہیں ‘ وہ جبھی تو نُور ہی نُور ہیں
یہ بجا تو اتنا بتایئے کہیں سایہ ہوتا ہے نُور کا
Wo jamal-e-Haq ka zahoor hain ‘ woh jabhi to noor hi noor hain
Yeh baja to itna batayiye kahin saaya hota hai noor ka
میں فدائے مظہرِ ذات ہوں‘ میں فنائے حُسنِ صفات ہوں
مری رُوح یاد حضوؐر کی ‘ مرا قلب ذکر حضورؐ کا
Main fidaaye mazhar-e-zaat hoon‘ main fanaaye husn-e-sifaat hoon
Meri rooh yaad e Huzoor ki ‘ mera qalb zikr Huzur ka
یہ بڑا کرم ہے کہ جسم و جاں ہیں پناہ میں شہ ؐ دیں پنہ
مجھے حشر میں بھی اماں ملے مجھے ڈر ہے یومِ نشُور کا
Yeh bara karam hai ke jism o jaan hain panah mein shah deen panah
Mujhe hashr mein bhi amaan mile mujhe dar hai yaum-e-nashoor ka
میں مطیع سرورِؐ دیں ہُوا تو خدا کے اور قریں ہُوا
یہ بشر کا اوجِ کمال ہے یہ سفر ہے قُرب سے دُور کا
Main muti-e-Sarwar-e-deen hua to Khuda ke aur qareen hua
Yeh bashar ka oj-e-kamaal hai yeh safar hai qurb se door ka
مری بے خودی کو کہاں خبر اسے چشمِ تر ہی سے پُوچھئے
کہ حنیفؔ اُس درِ پاک پر جو سماں تھا کیف و سروُر کا
Meri bekhudi ko kahan khabar use chashm-e-tar hi se poochiye
Ke Hanif us dar-e-paak par jo sama tha kaif o saroor ka
Share This Naat
Share with friends and family
مری بے بسی پہ کرم کرو
حنیف اسعدی