اے مرشدِ کامل صل علیٰ اے ہادئِ اکبر کیا کہنا
دُنیا کو دکھائی راہِ خدا اے دہر کے رہبر کیا کہنا
Ae murshid-e-kaamil Sall Ala ae haadi-e-akbar kya kehna
Duniya ko dikhai raah-e-Khuda ae daahr ke rehbar kya kehna
ہر سمت تجلّی ہے تیری ہر قلب کو حاصل ہے سیری
اے ماہِ عرب اے مہرِ عجم اے ساقئِ کو ثر کیا کہنا
Har simt tajalli hai teri har qalb ko haasil hai seeri
Ae maah-e-arab ae mehr-e-ajam ae saaqi-e-kausar kya kehna
وہ کون سی ہے نعمت ایسی جو تو نے نہیں ہم کو بخشی
اے ختمِ رُسل سُبحان اللہ اے شافعِ محشر کیا کہنا
Woh kon si hai niimat aisi jo tu ne nahiin hum ko bakhshi
Ae khatm-e-rusul Subhan Allah ae shafi-e-mahshar kya kehna
ہے تیرے چمن کا رنگ نیا انداز نیا ہے ڈھنگ نیا
ہر غنچہ بجائے خود گُل ہے یثرب کے گُلِ تر کیا کہنا
Hai tere chaman ka rang naya andaaz naya hai dhang naya
Har guncah bajaye khud gul hai yathrib ke gul-e-tarr kya kehna
سب تیری ضیا کا صدقہ ہے اک نور جہاں میں پھیلا ہے
تارے ہیں روشن صل علیٰ ذرّے ہیں منّور کیا کہنا
Sab teri ziya ka sadqa hai ek noor jahan mein phaila hai
Tare hain roshan Sall Ala zarre hain manowar kya kehna
جو آنکھ ہو تیرے نام پہ تر اُس آنکھ پہ صدقے قلب و جگر
جو سر کہ ہو تیری چوکھٹ پر اس سر کا مقدر کیا کہنا
Jo aankh ho tere naam pe tarr us aankh pe sadqe qalb o jigar
Jo sar keh ho teri chokhat par us sar ka muqaddar kya kehna
ہر شعر میں دل کا حال لکھا جو دل پہ گذرتی تھی وہ کہا
بہزؔاد حزیں کیا خوب لکھی یہ نعت پیمبر کیا کہنا
Har she’r mein dil ka hal likha jo dil pe guzarti thi woh kaha
Behzaad hazin kya khoob likhi yeh naat-e-paimbar kya kehna
Share This Naat
Share with friends and family
اے مرشدِ کامل صل علیٰ
بہزاد لکھنوی