ہے زمین پر جنّت ، آفریں مدینے کے
خوش نصیب ہیں طاہرؔ سب مکیں مدینے کے
hai zameen par jannat, aafrin madine ke
khush naseeb hain Tahir sab makeen madine ke
دل سے گر پڑھا جائے وہ سلام سنتے ہیں
بام و در بھی ہوتے ہیں سامعیں مدینے کے
dil se gar padha jaaye woh salaam sunte hain
baam o dar bhi hote hain sami'n madine ke
نعت کے حوالے سے ، نسبت درودی سے
صبح و شام رہتے ہیں ہم قریں مدینے کے
naat ke hawale se, nisbat daroodi se
subah o shaam rahte hain hum qareen madine ke
بار بار آنے کی آرزو رہے دل میں
ایک بار آئیں جو زائریں مدینے کے
baar baar aane ki aarzu rahe dil mein
ek baar aayein jo zaireen madine ke
ان کی حب کی نسبت سے ہم اِسی کے باسی ہیں
کیا ہوا بظاہر گر ہم نہیں مدینے کے
un ki hub ki nisbat se hum isi ke baasi hain
kya hua bazahir gar hum nahi madine ke
ان کی سمت رکھتے ہیں در کھلا خیالوں کا
دیکھتے مناظر ہیں ہم یہیں مدینے کے
un ki simt rakhte hain dar khula khayaalon ka
dekhte manazir hain hum yahin madine ke
روم سے ، حبش سے ہوں ، عجم سے ہوں کہ فارس سے
جو ہوئے ہیں آقاؐ کے ہیں نگیں مدینے کے
room se, habash se hon, ajam se hon ke faris se
jo hue hain aaqa ke hain nageen madine ke
دھڑکنیں ہیں بڑھ جاتیں بے خودی ہے چھا جاتی
تذکرے سنائی دیں جب کہیں مدینے کے
dhadkanein hain barh jaatein bekhudi hai chha jaati
tazkere sunai dein jab kahin madine ke
بڑھ کے ساری دنیا سے لگتے ہیں بھلے طاہرؔ
ہم سفر مدینے کے ، ہم نشیں مدینے کے
barh ke sari duniya se lagte hain bhale Tahir
hum safar madine ke, hum nasheen madine ke
Share This Naat
Share with friends and family
ہے زمین پر جنّت ، آفریں مدینے کے
پروفیسر محمد طاہر صدیقی