محمدؐ باعثِ حُسنِ جہاں ایمان ہے میرا
محمدؐ حاصلِ کون و مکاں ایمان ہے میرا
Muhammadؐ bais-e-husn-e-jahan imaan hai mera
Muhammadؐ haasil-e-kun o makaan imaan hai mera
محمدؐ اوّل و آخر محمدؐ ظاہر و باطن
محمدؐ ہیں بہر صورت عیاں ایمان ہے میرا
Muhammadؐ awwal o aakhir Muhammadؐ zaahir o baatin
Muhammadؐ hain behar surat anyaan imaan hai mera
شرف اِک کملی والے نے جنہیں بخشا ہے قدموں میں
وہ صحرا بن گئے ہیں گلستاں ایمان ہے میرا
Sharaf ek kamli walay ne jinhe bakhsha hai qadmon mein
Woh sehra ban gaye hain gulistaan imaan hai mera
محبت ہے جسے غارِ حرا میں رونے والے سے
وہ انساں ہے خدا کا رازداں ایمان ہے میرا
Muhabbat hai jise ghar-e-hira mein roney walay se
Woh insaan hai Khuda ka raazdaan imaan hai mera
معطّر کر گئے ساغرؔ فضائے گلشنِ ہستی
نبیؐ کے گیسوئے عنبر فشاں ایمان ہے میرا
Mu'attar kar gaye Sagharؔ faza-e-gulshan-e-hasti
Nabiؐ ke gesu-e-ambar fishan imaan hai mera
Share This Naat
Share with friends and family
محمدؐ باعثِ حُسنِ جہاں ایمان ہے میرا
ساغر صدیقی