اک جاں نواز خوشبو محسوس کر رہا ہوں
شاید میں چلتے چلتے روضے تک آگیا ہوں
Ek jaan nawaaz khushbu mehsoos kar raha hoon
Shaayad mein chalte chalte roze tak aagaya hoon
پھُولوں کی طرح میری سانسیں مہک رہی ہیں
اور آنسوؤں کے موتی میں نذر کر رہا ہوں
Phoolon ki tarah meri saansey mehak rahi hain
Aur aansuo'n ke moti mein nazar kar raha hoon
شرمِ خطا سے میرا ماتھا عرق عرق ہے
اور خوف سے سزا کے خود بھی لرز رہا ہوں
Sharm-e-khata se mera maatha araq araq hai
Aur khauf se saza ke khud bhi laraz raha hoon
د ل بھی لرز رہا ہے ‘ میں بھی لرز رہا ہوں
جیسے میں اپنے آقاؐ کے سامنے کھڑا ہوں
Dil bhi laraz raha hai, mein bhi laraz raha hoon
Jaise mein apne aaqa ﷺ ke samne khara hoon
پاسِ ادب سے میں نے ہونٹوں کو سی لیا ہے
شائستہء حرم ہوں ‘ آداب آشنا ہوں
Paas-e-adab se mein ne honton ko see liya hai
Shaayista-e-haram hoon, adaab aashna hoon
اب دے رہی ہیں آنکھیں دوہرا سہارا مجھ کو
جلوے بھی روبرو ہیں سجدے بھی کر رہا ہوں
Ab de rahi hain aankhen dohra sahaara mujko
Jalwe bhi rubaru hain sajde bhi kar raha hoon
اشکوں سے ہو رہی ہے اب میرے ترجمانی
اشکوں ہی کی زبانی فریاد کر رہا ہوں
Ashko'n se ho rahi hai ab mere tarjuma'ni
Ashko'n hi ki zabaani faryaad kar raha hoon
یہ خواب دیکھتا ہوں اکثر میں جاگتے ہیں
روضے کے سامنے ہوں اور نعت پڑھ رہا ہوں
Ye khwab dekhta hoon aksar mein jagte hain
Roze ke samne hoon aur naat parh raha hoon
صد شکر اک تسلسل قائم ہے زندگی میں
اک نعت کہہ چکا ہوں ‘ اک نعت کہہ رہا ہوں
Sad shukar ek tasalsul qaim hai zindagi mein
Ek naat keh chuka hoon, ek naat keh raha hoon
جو کچھ بھی مانگنا ہے ‘ اس در پہ جا کے مانگو
وہ در بہت بڑا ہے جس دَر کا میں گدا ہوں
Jo kuch bhi maangna hai, us dar pe ja ke maango
Woh dar bohot bara hai jiss dar ka mein gada hoon
طیبہ کے سب گدا گر مجھ سے گلے ملے ہیں
مجھ کو خبر نہیں تھی میں اس قدر بڑا ہوں
Tayba ke sab gada gar mujh se ghalay mile hain
Mujh ko khabar nahi thi mein is qadar bara hoon
Share This Naat
Share with friends and family
اک جاں نواز خوشبو محسوس کر رہا ہوں
پروفیسراقبال عظیم