سُنتے ہیں کہ محشر میں صرف اُن کی رَسائی ہے
گر اُن کی رَسائی ہے لو جب تو بن آئی ہے
Sunte hain ke mahshar mein sirf un ki rasai hai
Gar un ki rasai hai lo jab to ban aai hai
مچلا ہے کہ رحمت نے اُمید بندھائی ہے
کیا بات تِری مجرم کیا بات بَنائی ہے
Machla hai ke rehmat ne umeed bandhai hai
Kya baat teri mujrim kya baat banai hai
سب نے صف محشر میں لَلکار دیا ہم کو
اے بے کسوں کے آقا اب تیری دُہائی ہے
Sab ne saf mehshar mein lalkar diya hum ko
Ay be kason ke aqa ab teri duhai hai
یُوں تو سب اُنہیں کا ہے پَر دل کی اگر پوچھو
یہ ٹُوٹے ہوئے دِل ہی خاص اُن کی کمائی ہے
Yun to sab unhin ka hai par dil ki agar poochho
Ye toote hue dil hi khas un ki kamai hai
زائر گئے بھی کب کے دِن ڈَھلنے پہ ہے پیارے
اُٹھ میرے اَکیلے چل کیا دیر لگائی ہے
Zaer gaye bhi kab ke din dahlne pe hai pyare
Uth mere akkele chal kya der lagai hai
بازارِ عمل میں تو سودا نہ بنا اپنا
سرکار کرم تجھ میں عیبی کی سمَائی ہے
Bazaar-e-amal mein to sauda na bana apna
Sarkar karam tujh mein aibi ki samai hai
گرتے ہووں کو مژدہ سجدے میں گِرے مولیٰ
رو رو کے شفاعت کی تمہید اُٹھائی ہے
Girte huon ko mujda sajde mein gire Mola
Ro ro ke shafaat ki tamheed uthai hai
اے دل یہ سلگنا کیا جلنا ہے تو جل بھی اُٹھ
دَم گھٹنے لگا ظالِم کیا دُھونی رَمائی ہے
Ay dil ye sulagna kya jalna hai to jal bhi uth
Dam ghatne laga zalim kya dhuni ramai hai
مجرم کو نہ شرماؤ احباب کفن ڈَھک دو
مُنھ دیکھ کے کیا ہو گا پردے میں بھلائی ہے
Mujrim ko na sharmao ahbab kafan dhak do
Munh dekh ke kya ho ga parde mein bhulai hai
اب آپ ہی سنبھالیں تو کام اپنے سنبھل جائیں
ہم نے تو کمائی سب کھیلوں میں گنوائی ہے
Ab aap hi sambhalein to kam apne sambhal jayein
Hum ne to kamai sab khehlon mein gunwai hai
اے عشق تِرے صَدقے جلنے سے چُھٹے سَستے
جو آگ بجھا دے گی وہ آگ لگائی ہے
Ay aishq tere sadqe jalne se chute saste
Jo aag bujha de gi wo aag lagai hai
حرص و ہوسِ بَد سے دل تُو بھی سِتَم کر لے
تُو ہی نہیں بے گانہ دُنیا ہی پَرائی ہے
Hirs o havas-e-bad se dil tu bhi sitam kar le
Tu hi nahin begana duniya hi parai hai
ہم دِل جلے ہیں کس کے ہٹ فتنوں کے پر کالے
کیوں پُھونک دُوں اِک اُف سے کیا آگ لگائی ہے
Hum dil jale hain kis ke hat fitnon ke par kale
Kyun phoonk doon ik uf se kya aag lagai hai
طیبہ نہ سہی اَفضل مَکّہ ہی بڑا زاہِد
ہم عِشق کے بندے ہیں کیوں بات بڑھائی ہے
Tayyaba na sahi afzal Makkah hi bada zahid
Hum ishq ke bande hain kyun baat barhai hai
مَطْلَع میں یہ شک کیا تھا واللہ رضاؔ واللہ
صرف اُن کی رَسائی ہے صرف اُن کی رَسائی ہے
Matla mein ye shak kya tha wallah raza wallah
Sirf un ki rasai hai sirf un ki rasai hai
Share This Naat
Share with friends and family
سُنتے ہیں کہ محشر میں صرف اُن کی رَسائی ہے
احمد رضا خان بریلوی