زندگی کے راستوں سے یوں گزر اُن کا ہُوا
جان کا دشمن بھی اُن کو دیکھ کر اُن کا ہُوا
Zindagi ke raaston se yun guzar un ka hua
Jaan ka dushman bhi un ko dekh kar un ka hua
اُن کی تشریف آوری اُن کی گواہی بن گئی
تیرگی کفّار کی نُورِ سحَر اُن کا ہُوا
Un ki tashreef aawri un ki gawahi ban gayi
Tirgi kuffar ki noor-e-sehar un ka hua
پُوری تاریخ جہاں کی روشنی اُتنی نہیں
لمحے لمحے میں اُجالا جس قدر اُن کا ہُوا
Poori tareekh jahan ki roshni utni nahin
Lamhe lamhe mein ujala jis qadar un ka hua
اُن کے قدموں نے دکھا ئے راستے افلاک کے
ہوگیا اللہ اُس کا ، جو بشر اُن کا ہُوا
Un ke qadamun ne dikhaye raste aflak ke
Ho gaya Allah uska, jo bashar un ka hua
زندگی کیا ، زندگی کے بعد تک واسطے
اُن کا ہو کر رہ گیا جو لمحہ بھر اُن کا ہُوا
Zindagi kya, zindagi ke baad tak wastay
Un ka ho kar reh gaya jo lamha bhar un ka hua
زندگی اُس کی ہَواوں میں دِیے لے کر چلی
جو بڑھا اُن کے طرف ، جو ہمسفر اُن کا ہُوا
Zindagi us ki hawaon mein diye lekar chali
Jo barhha un ke taraf, jo humsafar un ka hua
اصل میں عمر ِ وجود اُن کی تھی اُتنی ہی طویل
زندگی کا دَور جتنا مختصر اُن کا ہُوا
Asal mein umar-e-wujood un ki thi utni hi taweel
Zindagi ka daur jitna mukhtasar un ka hua
جب مظفؔر بانٹنا چاہا مجھے تقدیر نے
آنکھ دُنیا نے جھپٹ لی ، دِل مگر اُن کا ہُوا
Jab Muzaffar baantna chaha mujhe taqdeer ne
Aankh duniya ne jhapat li, dil magar un ka hua
Share This Naat
Share with friends and family
زندگی کے راستوں سے
مظفر وارثی