پختہ ایمان ہے ایہہ میرا اللہ دے گھر دیاں نہیں ریساں
پَر ایہہ وی مننا پیندا اے آقاؐ دے نگر دیاں نہیں ریساں
Pakhta imaan hai eh mera Allah de ghar diyaan nahin risaan
par eh vi manna painda ai Aaqaؐ de nagar diyaan nahin risaan
ربّ سچّے دے گھلّے ہوئے سارے پیغمبر سچّے نیں
پر میرے نبی ؐ ، میرے ہادی ؐ، میرے رہبرؐ دیاں نہیں ریساں
Rab sache de ghullay hoye saare paighambar sache ne
par mere Nabiؐ , mere Haadiؐ, mere Rehbarؐ diyaan nahin risaan
سچّیاں نیں یُوسفؑ کنعانی دے حُسن جمال دیاں دُھماں
پر من لیا دُنیا ساری عربی دِلبرؐ دیاں نہیں ریساں
Sachiyaan ne Yusufؑ Kan'aani de husn jamaal diyaan dhumaan
par man liya duniya saari Arabi dilbarؐ diyaan nahin risaan
جے صدق یقین رفاقت وِچ صدیق دا ثانی نہیں لبھدا
تے غیرت،عدل، جلال دے وِچ فارُوق عمر دیا نہیں ریساں
je sadaq yaqeen rafaqqat vich Sadeeq da sani nahin labhda
te ghairat, adal, jalaal de vich Farooq Umar diyaan nahin risaan
جے صبر رضا تے جُرات وِچ شبّیر دا جوڑا کوئی وی نہیں
تے حلم شرافت، تقوے وِچ مولا شبّر دیاں نہین ریساں
je sabr raza te jurat vich Shabbir da joda koi vi nahin
te halm sharaafat, taqve vich Maula Shabbir diyaan nahin risaan
غمخوار کئی گُزرے تائب محتاجاں دے مسکیناں دے
پر میرے سخی، میرے داتا، میرے سرورؐ دیاں نہیں ریساں
Ghamkhaar kai guzre taa'ib mohtaajaaN de maskeenaan de
par mere sakhi, mere daata, mere sarwarؐ diyaan nahin risaan
ایثار ، سخاوت، نرمی وِچ عثمان جیہا جے کوئی نہیں
شہ زوری، فقر، ولایت وِچ مولا حیدر دیاں نہیں ریساں
Eesaar, sakhaavat, narmi vich Usman jeha je koi nahin
sheh zori, faqr, vilayat vich Maula Haider diyaan nahin risaan
Share This Naat
Share with friends and family
پختہ ایمان ہے ایہہ میرا اللہ دے گھر دیاں نہیں ریساں
حفیظ تائب